Imaginatz la sason vienenta de l'euskara dab nosautas !
E si lo vòste projècte hasèva partida d'Euskararen Urtaroa 2026 ? La Comunautat País Basco que lança un aperet a projèctes a destinacion de las associacions entà bastir la programacion de l'edicion vienenta e har víver l'euskara sus tot lo territòri.
Actualizat lo : 30 June 2026
Deu 6 de noveme au 3 de deceme vienents, l'euskara que serà un còp de mei a l'aunor dab Euskararen Urtaroa, la sason de la lenga basca. Entà har d'aquera edicion un rendètz-vos tostemps mei ric e creatiu, la Comunautat País Basco que convida las comunas, associacions, establiments publics e autes actors privats a imaginar los temps hòrts d'aquera edicion navèra.
Passejadas, talhèrs, espectacles, formacions, conferéncias, debats, encontres... Totas las iniciativas favorizant l'usatge e la descobèrta de l'euskara qu'an la lor plaça dens aquera programacion participativa . Cada proposicion que contribuarà a har víver la lenga basca en mostrant lo dinamisme e la creativitat deus nombrós actors qui s'engatjan au quotidian entà la soa transmission e lo son desvolopament.
Dinc a 1000 € d'ajuda
Las associacions interessadas que deven estar implantadas suu territòri de la Comunautat País Basco. Que poiràn beneficiar d'un acompanhament financèr podent aténher 1 000 € per animacion o 2 000 € per estructura, devath resèrva d'un autofinançament minimum de 20%. Los dossièrs de candidatura que deven estar transmetut abans lo 24 de julhet vienent.
Totas las informacions sus l'aperet a projèctes, las modalitats de participacion e las ajudas financèras que son disponiblas sus la pagina dedicada.