L'aperets a iniciativas ELKI que balha un còp de poç aus projèctes artistics deus amators

Dens ua sala de las hèstas, un locau associatiu o un talhèr… cada dia deus milèrs d'artistas anonimes que s'adonan a la lor passion, que repeteishen las lors gammas, qu'imaginan navèras creacions . E si l'encontre dab un professionau los podèva perméter d'anar mei luenh ?

Qu'ei tot l'esperit d'ELKI : acompanhar los grops amators dens ua desmarcha de creacion entà los har progressar e véder emergir de navèths projèctes artistics e culturaus sus tot lo territòri. Pendent mantun mes, professionaus e tecnicians que pòrtan la lor experiéncia, que transmeten los lors saber-har, que questionan las practicas e qu'obreishen navèras pistas . Ua faiçon entaus participants d'experimentar, de ganhar en autonomia, en balhant ua dimension navèra au lor projècte.

De la sala de repeticion a la scèna

Pr'amor que l'aventura ne s'arrèsta pas aquí . Cada iniciativa sostienuda que deu anar a l'encontre deu public. Ua representacion teatrau, un concèrt, ua exposicion, ua restitucion… Aquò rai la fòrma. Çò que compta, qu'ei d'anar dinc au cap deu procediment artistic. rendètz-vos qui son tanben, entà las comunas de País Basco, autant d'escadenças de har víver la cultura, crear moments de partatge e méter en valor lo vivèr associatiu.

L'aperet a iniciativas que pòt finançar dinc a 50% deus projèctes de las associacions, dens lo limit de 5000 euros. Ua atencion particulara qu'ei portada a las creacions qui defenen las lengas e la cultura bascas e occitan-gascona. Entaus projèctes en ligam dab la cultura basca, l'Institut culturau basco que prepausa un acompanhament tecnic e financèr complementari podent anar dinc a 2 000 euros.

Los dossièrs de candidatura que deven estar adreçadas per Internet abans lo 31 d'octobre vienent.