Mendi Biziak 2027 : imaginatz projèctes qui hèn víver la montanha basca
La Comunautat d'Aglomeracion País Basco que lança ua edicion navèra de l'aperet a projèctes Mendi Biziak entà sostiéner las iniciativas qui valorizan la montanha basca e que sensibilizan lo public a la soa preservacion . Las candidaturas que son obèrtas dinc au 30 de seteme de 2026 .
Actualizat lo : 2 July 2026
Har descobrir los paisatges, los mestièrs, los saber-har e lo patrimòni de la montanha basca en encoratjant practicas mei respectuosas de l'environament : qu'ei l'objectiu de l'aperet a projèctes Mendi Biziak 2027. Portada per la Comunautat d'Aglomeracion País Basco, en associacion dab lo Sindicat Mixte de Prefiguracion deu Parc Naturau Regionau de la Montanha Basque, aquera iniciativa qu'acompanha los actors locaus qui desiran prepausar animacions o deus eveniments a destinacion deu public gran.
Deus projèctes entà compréner mélher la montanha
Associacions, oficis de torisme, gestionaris d'estivas, estructuras publicas o enqüèra professionaus de las activitats de plea natura que pòden candidater . Los projèctes retienuts que deuràn perméter de compréner mélher çò qui hè la riquessa de la montanha basca : las soas activitats pastoraus, lo son patrimòni naturau e culturau, los sons mestièrs, los sons produits locaus o enqüèra los enjòcs environamentaus a los quaus ei confrontada. Las proposicions que deuràn egaument promòver los principis de la desmarcha « Montagne, Respècte », qui encoratja ua coabitacion armoniosa enter tots los usatgèrs de la montanha. Los organizators que son sustot incitats a sensibilizar lo public au respècte deus tropèths, de la fauna sauvatja e deus espacis naturaus o enqüèra a las règlas de circulacion e de securitat en montanha. Ua atencion particulara que serà egaument portada a la reduccion de l'impacte environamentau de las manifestacions prepausadas (gestion de las dèishas, materiau reütilizader, feble mèrca ecologica…).
Ua ajuda podent aténher 2 000 €
Los eveniments que's deuràn debanar en 2027 suu territòri de la montanha basca. Ua prioritat que serà acordada a las accions destinadas aus mainatges, entà transméter autanlèu lo mei joen atge la coneishença e lo respècte d'aqueth environament fragile. Quan aquò qu'ei possible, los projèctes favorizant l'arcuelh de las personas en situacion de handicap que seràn egaument valorizats . Los portaires de projèctes que poiràn beneficiar d'ua subvencion compresa enter 500 e 2 000 euros, segon la qualitat deu dossièr, lo son interès entau territòri e lo son plan de finançament.
A retiéner
- Ajuda financèra : de 500 a 2 000 €.
- Qui pòt candidater ? Associacions, oficis de torisme, establiments publics, gestionaris de sites de montanha, prestatàrias d'activitats e autas estructuras locaus.
- Data limita de depaus : 30 de seteme de 2026.