Sequèra : 8 comunas de País Basco que passan en nivèu « Crisi » entà l'aiga bevedera
La sequèra que's guasta sus l'ensemble de País Basco . De cap a la persisténcia d'un temps plan sec e caud, ueit comunas que son d'ara enlà plaçadas en nivèu « Crisi » entà l'aiga bevedera : Aussurucq, Etchebar, Hasparren, Haus, Lichans-Sunhar, Souraïde, Tardets-Sorholus e Tres-Vilas. Las restriccions d'usatge qu'i son ahortidas .
Actualizat lo : 2 October 2026
La situacion de la ressorsa en aiga que contunha de's degradar. Après lo passatge de l'ensemble deu territòri en nivèu « Escarrabilhat », la persisténcia d'un temps plan sec e caud qu'a accentuat la sequèra . Suu front de l'aiga bevedera, la situacion que vad plan delicada entà ueit comunas, plaçadas en nivèu « Crisi » : Aussurucq, Etchebar, Hasparren, Haus, Lichans-Sunhar, Souraïde, Tardets-Sorholus e Tres-Vilas.
De las restriccions ahortidas
Las restriccions deus usatges de l'aiga bevedera que son ahortidas dens aqueras comunas . Daubuns usatges non essenciaus qu'i son d'ara enlà defenduts :
- lo lavatge de las autos ;
- la mesa a nivèu de las piscinas ;
- l'arrosatge de las pelosas e deus massís florits ;
- l'arrosatge deus terrens d'espòrt ;
- lo netejatge de las faciadas, trepaders, teuladas, etc.
La rèsta deu territòri rèsta en « Escarrabilhada »
Totas las autas comunas de País Basco que demoran per ara au nivèu « Escarrabilhat ». Ua extension deu perimètre de las comunas en « Crisi » qu'ei totun possibla plan lèu si las condicions meteorologicas evoluan pas.
Respectar las mesuras, estauviar l'aiga
Los consumeires que son tienuts de respectar rigorosament las mesuras de restriccion deu nivèu en vigor. Entà conéisher las restriccions aplicaderas dens la vòsta comuna, que consultatz lo site VigiEau, actualizat peus servicis de l'Estat.
En ce moment
KLIMA Astea 2026
Du 02 October au 11 October
Xiberoa gaur eta bihar: eman zure iritzia!
14 August 2026
