Sequèra : restriccions d'aiga suu bacin versant de la Gaujosa
La prefectura de Pirenèus Atlantics qu'a plaçat l'arriu Gaujós en nivèu « escarrabilhat » a comptar divés 5 de junh de 2026. mesuras de restriccion deus prelevaments d'aiga que son d'ara enlà en vigor sus l'ensemble deu bacin versant.
Actualizat lo : 10 June 2026
Pr'amor de la baisha deus debits constatada sus la Gaujosa e de l'abséncia de precipitacions previstas, la prefectura de Pirenèus Atlantics qu'a pres un arrestat fixant las condicions de prelevament d'aiga dens lo miei naturau entaus usatges agricòlas com entaus particulars. L'ensemble de las comunas situadas suu bacin versant de la Gaujosa que son concernidas per aqueras mesuras .
De las restriccions entaus usatges agricòlas
Los agricultors prelevant aiga sus la Gaujosa, los sons afluents e la soa capa d'acompanhament que son sosmetuts a ua reduccion de 30 % deu lor debit, dab mesa en plaça de tors d'aiga. Que son exemptats d'aqueras restriccions :
- l'ortalatge e l'orticultura ;
- l'arboricultura dispausant de sistèmas d'irrigacion localizada (briga a briga, micro-aspersion).
De las restriccions entaus particulars
Los prelevaments a usatge domestic dens lo miei naturau que son defenduts sus l'ensemble deu bacin versant, dab l'excepcion de :
- l'arrosatge deus jardins ortalèrs, autorizat de 20h a 8h ;
- l'arrosatge de las pelosas, massís florits e jardins d'agradança, autorizat de 20h a 8h.
Entà conéisher las comunas concernidas per l'arrestat atau com las mesuras a respectar, rendètz-vos suu site vigieau.gouv.fr