Txik Txak : abonaments adaptats a tots entà la rentrada

Dab ua auhèrta ahortida de 30% despuish genèr de 2025, lo hialat TXIK TXAK que prepausa tarifas d'abonament a bon mercat entà acompanhar los abitants dens los lors desplaçaments quotidians.

Actualizat lo : 4 February 2026

Back to list Actualités

Euskaraz irakurri

: Bus TXIKTXAK au Pays Basque

Despuish genèr de 2025, l'auhèrta deu hialat TXIK TXAK qu'a aumentat de 30 % : mei de bus suu litorau, un doblament deus dessertes cap au retro-litorau e l'interior, e un servici navèth de transpòrt a la demanda cobrint d'ara enlà 100 % deu territòri, eliminant atau tota zòna blanca en transpòrt en comun. Au parat d'aquera rentrada, TXIK TXAK que rapèra las soas formulas d'abonament disponibles entà facilitar los trajèctes deu quotidian.

Deus abonaments entà tots los publics

L'objectiu : facilitar los desplaçaments quotidians en aleugerint los budgets.

  • Entaus mensh de 28 ans : 8,50 € per mes dab l'abonament annau, o 4 € dab la tarificacion solidària.
  • Mei de 65 ans : a partir de 7,50 € per mes dab la tarificacion solidària
  • 28 a 65 ans : 15,50 € per mes après participacion de l'emplegaire a hautor de 50 %. Aquera participacion que's lhèva segon los cas dinc a 75% e quitament a 100%.

Ua estimacion de las economias en linha

Un simulator accessible sus www.txiktxak.fr que permet de calcular las economias realizadas en privilegiant los transpòrts en comun entaus trajèctes domicili-tribalh. Segon las estimacions, aqueras economias que pòden aténher en mejana 400 € per mes.

L'abonament TXIK TXAK que balha accès a totas las linhas de bus e de Tram’bevuts deu territòri, au Transpòrt a la Demanda, atau com aus acès bicicletas securizadas. La formula combinada TXIK TXAK + TER que permet en mei de viatjar suu hialat TER dab ua sola carta, a ua tarifa avantatjosa e presa en carga per l'emplegaire.

Informacions practicas

L'ensemble deus detalhs relatius aus abonaments e aus servicis qu'ei disponible suu site internet e l'aplicacion TXIK TXAK.

En ce moment