Zòna d'activitats economicas Duboscoa II e vilatge d'artisans : 22 enterpresas arcuelhudas e 28 talhèrs comercializats a Vilafranca
Aqueth dimars 22 d'abriu, Jean-René Etchegaray, President de la Comunautat País Basco, Sylvie Durruty, Vicepresidenta ne carga de l'economia e de l'innovacion e Marc Sent-Esteven, purmèr cònsol de Vilafranca qu'an inaugurat la zòna navèra d'activitats economicas Duboscoa II e lo vilatge artisans a Vilafranca. La Comunautat País Basco qu'a investit 4,7 milions d'euros dens l'amainatjament de la zòna d'activitats.
Actualizat lo : 22 April 2025
L'inauguracion de la Zòna d'Amainatjament Concertat (ZAC) Duboscoa II aqueth dimars 22 d'abriu a Vilafranca participi a l'ambicion de malhatge deu territòri en fonsièr economic afirmat dens l'Esquèma de Desvolopament Economic 2024-2030. Qu'ei ua de las 21 Zòna d'Activitats Economicas (ZAE) qui van perméter a cort, mejan e long tèrme la creacion de 50 ectaras de fonsièr economic public en complement de las 83 zònas publicas existentas. Lo vilatge d'artisans qu'ei egaument estat inaugurat .
ZAC Duboscoa II : 22 enterpresas arcuelhudas
La zòna inaugurada uei que s'espandeish sus 6 ectaras e 19 lòts. 4,7 milions d'euros qu'i son estats investits . Entau compte de la Comunautat d'Aglomeracion País Basco, la Societat d'Equipament deus País d'Ador (SEPA) qu'a assegurat l'amainatjament de la zòna, tau com previst per la concession. Los lòts que son puish estats cedits a las 22 enterpresas qualificadas e acceptadas per la Comunautat País Basco. Quauques exemples illustratius :
- Las enterpresas Julliard e Duboué, especializats respectivament en lunetterie e en cauteria industriau, qu'an tribalhat amassa entà optimizar lo fonsièr e que persegueishen lo lor desvolopament après estar estadas acompanhadas per la Comunautat País Basco e la SEPA
- Las enterpresas Ancoratge TP de Paul Castillon, especializada en fondacions especiaus, e la societat Alfaro (carpenta /menuseria)
- L'enterpresa SOMOCAP, dont lo bastiment d'ua susfàcia de 2 530 m2 qu'ei a har un tribalh de construccion, que desvoloparà ua activitat de transformacion de pèças tecnicas en termoplasticas, élastomères e compositas en complementaritat dab lo site istoric de Jatxou.
Sus l'ensemble deu site de Duboscoa qu'ei en tot 48 enterpresas qui son arcuelhudas. Aqueth site que contribua au dinamisme economic deu territòri de Niva-Ador.
Suu medish site, despuish julhet de 2023, los artisans productius que son acompanhats dens lo lor desvolopament per un vilatge d'artisans. 28 talhèrs de 150 m2 que son estats comercializats .
Lo recors au balh a construccion
Dens la ZAC Duboscoa II, los 3 darrèrs lòts que seràn comercializats en balh a construccion per la Comunautat País Basco.
Ua deliberacion qu'ei estada adoptada peus elegits comunautaris en fin d'annada darrèra instaurant lo balh a construccion com navèra modalitat de comercializacion unica deu fonsièr a vocacion economica public sus l'ensemble deu territòri. Que permet de sanctuariser l'activitat productiva suu territòri en gardant la mestresa publica deu fonsièr enter las mans de la poténcia publica.
Dens un contèxte de creishença demografica constant, de rarefaccion deu fonsièr dedicat a las activitats economicas e d'especulacion immobiliària, qu'ei uei cruciau de garantir un usatge racionau e duradís deus terrens publics disponibles entà non pas comprométer las capacitats futuras de desvolopament deu territòri.