Setmana KLIMA 2025
L'edicion navèra de la setmana KLIMA qu'aurà lòc deu 4 a l'11 d'octobre vienent dab entà tèma « l'imaginari positiu, viveder e sostenible de l'ecologia ». L'aperet a manifestacions qu'ei obèrt dinc au 4 de julhet vienent .
Actualizat lo : 28 April 2025
Deu 4 October 2025 au 11 October 2025
Back to list Agenda
Presentacion
Perseguint la larja mobilizacion deus actors deu territòri engatjada l'an passat, la setmana KLIMA que torna aquera annada deu 4 a l'11 d'octobre, pertot a País Basco. Lo tèma causit entà l'edicion 2025, « l'imaginari positiu, viveder e sostenible de l'ecologia », que permeterà de desvolopar com l'ecologia pòt estar portaira d'un messatge d'espèr e auherir de las perspectivas concrètas e positivas entà bastir collectivament l'aviéner deu noste territòri.
Com participar ?
Las estructuras desirosas d'aparéisher dens lo programa de la Setmana Klima 2025 que deven prepausar lo lor projècte abans lo 4 de julhet, en assabentant lo formulari en linha ací devath.
Las accions que deuràn estar en ligam dab la tematica generau portada per la Comunautat País Basco : partatge d'experiéncias positivas, bonas idèas, innovacions, espiars crotzats, òbras prospectivas.
Totas las fòrmas d'expression que son possiblas (accions pedagogicas, sortidas natura, exposicions, projeccions de filmes, activitats de plen aire, jòcs de pistas, espectacles, visitas, concors fòtos, marchas, activitats esportivas, activitats creativas) e entà tots los publics.
La Comunautat País Basco qu'apièja la comunicacion deus participants per la mesa a disposicion d'un prèst-a-montar entà tots los organizators e la mesa en plaça d'ua campanha de comunicacion comuna.
A notar : Las manifestacions prepausadas dens l'encastre de la Setmana KLIMA que deuràn respectar au mensh 10 engatjaments de la Carta deus eveniments éco-responsables.
Qu'inscrivi lo men eveniment
- Étape 1Organisateur (étape en cours)
- Étape 2Votre événement
- Étape 3Étape de résumé