La platafòrma dadas obèrtas Zabal
Que recercatz informacion sus dadas agricòlas a País Basco ? Lo portau Zabal que prepausa mei de 150 jòcs de dadas publicas en liures accès e gratuits, en francés e en euskara.
Actualizat lo : 17 February 2026
Zabal, qu'ei qué ?
ZABAL qu'ei ua platafòrma dadas obèrtas dedicada a l'agricultura de País Basco, creada per la Comunautat País Basco.
- Que permet de telecargar gratuitament mei de 160 jòcs de balhadas provienent de diferentas honts : ministèri de l'agricultura (Agreste), Mutuau Sociau Agricòla, SAP, IGN, INSEE, etc. ;
- Que prepausa observatòrissus tèmas especifics (las dadas agricòlas per territòri, las cordèras agricòlas, los labèls de qualitat, las ressorsas naturaus, las dadas metèo) qui permeten de seguir l'evolucion de las dadas dens lo temps ;
- La platafòrma Zabal que recensa tanbenlas ajudas agricòlas acordadas per la Comunautat País Basco e las iniciativas sostienudas ;
- Zabal qu'ei ua platafòrma obèrta . Cadun qu'i pòt partatjar las soas dadas o reütilizar las informacions entà crear navèths servicis innovants.
Com utilizar la platafòrma ?
- Entà vse guidar dens l'interfàcia e apréner a utilizar las diferentas foncions deu portau, un tutoriau qu'ei disponible suu site ;
- Otra lo telecargament de las dadas, lo portau Zabal que'vs permet de bastir las vòstas pròpias cartas e grafics. Las vòstas realizacions que pòden estar metudas endavant sus la platafòrma.
E ac sabètz ?
Las Dadas obèrtas ZABAL Agricultura que'vs prepausa de descobrir las principaus dadas deu Recensament Generau Agricòla (RGA) 2020, a l'escala de la Comunautat d'Aglomeracion País Basco e deus 10 pòles territoriaus qui la compausa, per 5 granas tematicas.
Descobrir los resultats deu Recensament Generau Agricòla 2020 de País Basco