Que practiqui lo mestièr d'agricultor
Vàder paisan-ne ne s'improvisa pas . Abans de'vs lançar, qu'ei important de víver au mensh ua annada entièra de produccion. Que'vs prepausam ací un torn petit d'orizont de las solucions existentas suu territòri.
Actualizat lo : 12 February 2026
Estar aprendís sus 1 o 2 ans
La màger part deus licèus agricòlas publics e privats deu territòri que prepausan uei formacion per aprendissatge . Que permet d'alternar l'aquisicion de teoria en sala e un apracticament immediat sus la bòrda. L'aprendissatge que's pòt d'alhors debanar sus mantua bòrda. L'aprendís que benefícia d'ua remuneracion mesadèra e lo mèste d'aprendissatge d'ua ajuda financèra de l'Estat.
Modalitats practicas e ajudas financèras suu site de la MSA rubrica « contracte d'aprendissatge ».
Estar sasonèr agricòla
Los agricultors qu'embauchan de mei en mei de salariats en sason gràcia sustot au dispositiu deu TESA simplificat (Títol emplec simplificat agricòla), gerit dirèctament peu site de la MSA rubricaTESA simplificat. N'esitatz pas a vosauts har conéisher au près deus organismes agricòlas.
Que podetz tanben retrobar de las auhèrtas d'emplec agricòla sus :
Tribalhar en servici de remplaçament
Lo servici de remplaçament qu'ei gerit locaument per LAGUNAK qui regropa 6 associacions cantonaus en País Basco (Tel. : 06 84 39 73 44), e peu GEAPA (Gropament d'Emplegaires Agricòla de Pirenèus Atlantics) a l'escala departament. De nombrosas auhèrtas d'emplec que son a provedir e que constitueishen un vertadèr trampolin .
Tribalhar en gropament d'emplegaires
Que's desvolòpan de mei en mei suu territòri e que constitueishen ua escadença de confortar las competéncias abans ua vertadèra installacion. Que trobaratz las modalitats practicas d'aqueth dispositiu sus AgriEmploi 64.
Realizar un estagi pairinatge
Lo dispositiu ideau entà preparar pendent 1 o 2 ans ua transmission-installacion. Que trobaratz las modalitats practicas d'aqueth dispositiu suu site de la Cramba d'Agricultura de Pirenèus Atlantics.
Tel. : 06 72 67 01 21
S'engatjar dens un tèst d'activitat
Lo dispositiu ideau, portat locaument per l'associacion TREBATU, entà se testar grandor natura sus un periòde de 1 a 3 ans, dens condicions sociaus e fiscaus securizadas e en beneficiant de l'acompanhament de nombrós actors agricòlas.
Contacte :
Site internet TREBATU
Tel. : 06 49 43 49 42
La Comunautat País Basco que prepausa en associacion dab l'associacion TREBATU deus lòcs tèst equipats entà se testar en ortalatge o en neurissatge puish considerar ua installacion sus plaça.
Contacte :m.goyhenetchecommunaute-paysbasquefr
Enterpréner en Agricultura Paisana
La formacion practica Enterpréner en Agricultura Paisana que s'adreça a las personas desirant s'installar en agricultura paisana a País Basco e avent besonh d'assolidar lo lor projècte en amont. Que permet d'apregondir los diferents aspèctes deu mestièr qui un futur gestionari d'enterpresa agricòla déver mestrejar. La formacion que's debana majoritàriament sus bòrdas, dab temps collectius dedicats a las tematicas tà çò de l'installacion. Lo dispositiu que s'apièja suus paisans deu territòri e las estructuras d'acompanhament locaus. Que combina atau estagis en immersion, de las formacions collectivas, de las formacions tecnicas e deus rendètz-vos d'escambis entà seguir l'avançament deu projècte.
Contacte :
Site internet TREBATU
Tel. : 06 49 43 49 42
Autas possibilitats de's testar : woofing, dret pòle emplec
Autas possibilitats de s'ensajar au mestièr de paisan sus periòdes mei o mensh corts qu'existeishen . La dificultat principau que resideish sovent dens l'estatut permetent d'estar cobèrt pendent aqueths periòdes.
Ligams utiles :
- Woof.fr ;
- França Tribalh ;
- Periòdes de mesa en situacion en miei professionau - PMSMP ;
- ANEFA 64,formacion e emplec agricòla.
Que profièiti de las meas vacanças entà lotjar en çò d'agricultors e víver a la bòrda
De nombrós hialats d'agricultors que prepausan lotjament e de las activitats a la bòrda permetent de combinar vacanças, reflexion suu son projècte agricòla e escambis conviviaus.
Ligams utiles :