Que reduseishi lo gaspilhatge alimentari a casa

Qué lo gaspilhatge alimentari ?

Lo gaspilhatge alimentari que representa près de 10 milions de tonas d'aliments per an en França, sia l'equivalent de 18 miliards de repaishs getats. Qu'ei generat tot lo long de la chaine, de la produccion a la consomacion en passant per la transformacion e lo transpòrt deus aliments. 1/3 deu gaspilhatge que's situa au nivèu de la consomacion .

Perqué redusir lo gaspilhatge alimentari ?

Impacte sus l'environament

La produccion alimentària qu'utiliza hèra ressorsas naturaus e d'energia. Quan la neuritud ei degalhada, totas las ressorsas utilizadas entà produsir aqueths aliments que son egaument degalhadas . 

Melhorar l'eficacitat dens la faiçon dont produseishem, que distribueishem, que consumeishem, e que reciclam los aliments que pòt tanben condusir a sistèmas alimentaris mei duradís e a la reduccion globau de las dèishas qui produseishem.

Securitat alimentària

Redusir lo gaspilhatge alimentari que pòt jogar un ròtle cruciau dens lo melhorament de la securitat alimentària. Los aliments qui degalham que poirén estar utilizats entà neurir las personas en situacion de precaritat alimentària.

Los gèstes au quotidian

Aquí quauques conselhs e astúcias entà evitar de getar ua partida de las vòstas crompas alimentàrias :

Planificacion deus repaishs

• Prevedetz los vòstes repaishs de la setmana abans d'anar har las vòstas crompas. Aquò que vs'ajudarà a crompar pas que çò dont vs'avetz besonh ;
• Preparatz la vòsta lista de corsas en verificant çò qui'vs demora en estòc.

Estocatge apropriat

• Recaptatz en evidéncia los produits a las datas de perempcion los mei pròches o los mei fragiles ;
• Estocatz los aliments corrèctament entà perlongar la lor durada de vita. Qu'Informatz suus metòdes melhors entà estocar diferents tipes d'aliments ;
•  Pensatz a la congelacion. Qu'ei un excellent mejan de perlongar la durada de vita deus aliments. Hèra aliments, dont lo pan e los produits leitèrs, que pòden estar congelats entà ua utilizacion ulteriora.

Datas de perempcion

Hèra aliments que son enqüèra bons de consumir après la data de perempcion recomandada, sustot si son estats corrèctament estocats. Entà deschifrar las consignas sanitàrias afichats suus produits, que segueishetz aqueth guida practic .

Preparacion deus repaishs

• Adaptatz las porcions preparadas au nombre de convidats ;
• Servitz de petitas porcions entà evitar de deishar rèstas non consumidas qui acaban per èste getats. Las gents que pòden tostemps se resservir si an enqüèra hami ;
• Reütilizar las rèstas. Pensar a las sopas, compòtas e auta pan perdut abans de's desbarrassar deus produits drin degalhats. Que trobaratz quauquas idèas de recèptas antigaspi ací !
• Adoptatz reflèxes anti-gaspilhatge en crompant a petits prètz deus produits lèu perimits.

Dons a associacions

• Los industriaus, productors, granas susfàcias o comèrcis alimentaris de proximitat que pòden balhar los lors excedents a associacions caritativas com la Banca alimentària País Basco o en utilizant la platafòrma Proxidon ;
• Deus tistèths anti-gaspilhatge a petits prètz que pòden tanben èste prepausats aus clients .

Compostatge

Compostatz las dèishas alimentàrias meilèu que de'us getar a la pobèlla. Aquò que reduseish la quantitat de dèishas a tractar e que horneish un excellent emendament entau sòu . Lo Sindicat Bil La toa Garbi e la Comunautat d'Aglomeracion País Basco que prepausan solucions gratuitas adaptadas a cada abitat : compostader individuau, lombricomposteur o compostatge collectiu.

Que podetz demandar gratuitament lo vòste compostader ací e consultar lo guida deu compostatge suu site de Bill La toa Garbi.

Educacion e sensibilizacion

Qu'Informatz e que sensibilizatz lo vòste entorn a l'importància de redusir lo gaspilhatge alimentari. Mei las gents que son conscientas, mei que son susceptibles de préner mesuras entà redusir lo lor pròpi impacte.