Que'm formi a l'agricultura
Que voletz vàder o qu'ètz dejà agricultor e que cercatz a vosauts formar ? Que trobaratz sus aquera pagina totas las auhèrtas accessiblas a País Basco (formacion iniciau e continua) atau com las ajudas dont podetz beneficiar.
Actualizat lo : 12 February 2026
Perqué ei important de's formar en agricultura ?
Qué aqueth sia dens l'encastre d'ua installacion-transmission familiau o hòra quadre familiau, qu'ei important de préner lo temps de madurar lo son projècte d'installacion. Au minímum ua annada que s'avera necessària enter l'idèa e la construccion deu projècte. Atau, un projècte d'installacion qui, en agricultura qu'ei sovent un projècte de vita, que's prepara lo mei en amont possible.
E entà vs'ajudar a miar a plan la vòsta reflexion, lo territòri País Basco qu'ei ric d'auhèrta d'ensenhament e de formacion agricòla. Maugrat que las condicions de diplòma entà s'installar en agricultura e beneficiar de las ajudas que's sian assoplidas despuish la navèra PAC 2023-2027, que demore totun important de's formar convienentament. En efèit, despuish lo 1èr de genèr de 2023, que hè besonh entà s'installar en agricultura e beneficiar de las ajudas, de dispausar sia d'un diplòma agricòla de nivèu 4 minimum (BAC o BPREA) sia d'un diplòma non agricòla de nivèu 4 e 2 ans d'experiéncia agricòla justificada (ajuda familiau, conjunt collaborator, cotizant solidari, salariat…).
Los trajèctes de formacion en agricultura a País Basco
Los licèus agricòlas
Los licèus agricòlas deu territòri que prepausan formacions deu nivèu 3 (CAP, BEP) au nivèu 5 (engenhaire). Cada licèu que pòt tanben prepausar ua especializacion (èx: ovina lèit, mecanizacion agricòla, transformacion agroalimentària….) atau com formacions per aprendissatge.
Los Centres de Formacion
Los centres de formacion que pòden estar lo lòc de formacion que contunha, adulta e de validacion deus aquesits de l'experiéncia (VAE).
Las formacions a la jornada
Las formacions a la jornada que son obèrtas a tots los agricultors e finançadas peu hons VIVEA. Que podetz retrobar ací las condicions d'utilizacion deus hons VIVEA.
Cada agricultor que benefícia d'un montant de formacion de 3 000 € per an entà las formacions referenciadas.
Entaus portaires de projècte,que'vs podetz assabentar suus vòstes drets a la formacion pendent lo passatge en PAIT64.
Entà seguir ua formacion a la jornada que podetz contactar los operators agricòlas seguents :
Qu'Existeish de las ajudas entà se formar a l'agricultura ?
Entaus portaires de projècte non installats
La Comunautat País Basco que finança las associacions BLE e APFPB entà que poscan arcuélher los portaires de projècte non installats gratuitament dens las lors formacions, mes a condicion que sian passats peu PAIT64. Que'vs podetz assabentar dirèctament au près d'aqueras 2 estructuras :
- BLE -CIVAM Biò: 05 59 37 35 45 – 06 27 13 32 38 · Deu diluns au divés de 9h a 17h.
- Associacion deus Productors Bordièrs de País Basco - IDOKI : 05 59 37 23 97 · Deu diluns au divés d'8h30 a 16h30.
Entaus agricultors installats
Hons VIVEA
Las formacions que pòden èstes finançadas peu hons VIVEA . Cada agricultor que benefícia d'un montant de formacion de 3 000€ per an entà las formacions referenciadas. Entaus portaires de projècte, que'vs podetz assabentar suus vòstes drets a la formacion pendent lo passatge en PAIT64.
Servici de remplaçament
Lo servici de remplaçament que pòt estar sollicitat entà s'absentar de la bòrda e seguir ua formacion pendent haut o baish 15 dias per an.
Entaus « dias formacion » disponiblas per agricultor, lo descompte mei hidable rèsta lo compte personau deu VIVEA. Lo servici de remplaçament que permet de's har remplaçar per un salariat lo dia de la formacion o dens los 3 mes seguents. Lhevat excepcion, tots los drets que son remetuts a zèro lo 31/12. Qu'ei lo servici de remplaçament qui gereish tot l'aspècte sociau (contracte, ficha de paga, declaracion, etc…). L'ajuda qu'ei de haut o baish 10,72€/h e la rèsta a carga que's situa enter 5 e 13€/h. Lo còst que pòt estar enqüèra redusit gràcias a presas en carga complementàrias e crèdit d'impòst.
Lo contacte deus servicis de remplaçament a País Basco :
- Servici de remplaçament Basco Bearnés : 05 59 80 98 85
- Servici de remplaçament associacion Lagunak en País basco :
- Canton Sola : 06 24 03 03 45
- Canton Amikuze : 06 89 72 22 59
- Canton Iholdi : 06 84 39 73 44
- Canton Hasparren : 06 78 37 72 05
- Canton còsta e Labord : 06 80 28 90 97
- Canton Garazi Baigorri : 06 07 50 05 48