Ajuda a las comunas entà la creacion d'un servici occitan-gascon

Contèxte e enjòcs

La politica lingüistica comunautària en favor de l'occitan-gascon que's prepausa de sostiéner las iniciativas de difusion de la lenga, en tribalhant a l'insercion de l'occitan gascon dens los maines de competéncias comunaus.

Entà las comunas de grana talha (comuna en mei 10 000 abitants), la preséncia d'un tecnician ne carga de l'occitan gascon dens los servicis que constitueish la faiçon mei eficaça e ambiciosa de desvolopar locaument ua politica lingüistica.

Entad aquò har, qu'ei prepausat d'instaurar ua ajuda a l'amorsatge e au desvolopament de servicis occitan-gascon comunaus.

A qui s'adreça lo dispositiu ?

Aqueth dispositiu que s'adreça mei especificament a las comunas de mei de 10 000 abitants mes que demora mobilizader per las comunas de talha mejana, dab possibilitats de mutualizacion deu servici enter mantua comuna.

L'acompanhament de la Comunautat País Basco

La Comunautat País basco que prepausa a las comunas ua participacion financèra entà la creacion d'un pòst de tecnician de faiçon degressiva sus 3 ans, dens lo limit de :

• 15 000 € la prumèra annada,
• 10 000 € la dusau annada,
• 5 000 € la tresau annada.

Aquera ajuda que pòt estar proporcionada au temps de tribalh deu tecnician.

Los servicis de la CAPB que pòden ajudar a la co-construccion deu projècte de politica lingüistica comunau e a l'elaboracion de la convencion d'associacion.