Servici comun SIG País Basco
Lo servici comun SIG País Basco qu'ei lo servici comun mutualizat entà l'accès au sistèma d'informacion geografica de la Comunautat d'Aglomeracion País Basco. Que's declina en dus servicis prepausats successivament . Un prumèr aperat « servici sòcle » qu'ei desplegat a títol graciós a comptar deu 1èr de genèr de 2025. Puish, sus la basa de l'adesion au servici sòcle, un servici tarifé aperat « servici avançat » que serà coconstruit dab las comunas volontàrias a l'orizont 2026.
Actualizat lo : 27 November 2024
Ouvert a las candidaturas Recevable tota l'annada
Ajuda tecnica
Preambule
La Comunautat d'Aglomeracion País Basco que prepausa la creacion d'un servici comun mutualizat entà l'accès de las Comunas au son sistèma d'informacion geografica (SIG) suu son territòri, dab ua construccion a dus nivèus dens lo temps :
- la mesa a disposicion gratuita de l'atruna comunautària GéoBasque aus comuns membres (servici sòcle) a partir deu 1èr de genèr de 2025 ;
- puish, entà las Comunas qui ac desiraràn, un apregondiment en dadas, foncionalitats e prestacion entà las Comunas (servici avançat, qui serà tarifé).
Lo contèxte
Despuish 2020, la Comunautat d'Aglomeracion que s'ei dotada d'ua infrastructura navèra de dadas geograficas (IDG) suu son territòri, GéoBasque, entà garantir la qualitat e la fidabilitat de las dadas en racionalizant los còsts (materiaus, logiciaus e umans) e los esfòrç de tienuda a dia. Aquò qu'a permetut d'armonizar, unificar e enriquir las dadas e las atrunas sus la basa d'un medish sòcle comun, mentre que lo territòri èra fins aquí cobèrt per sistèmas diferents gessits de las ancianas intercomunalitats.
Uei, lo desvolopament de GéoBasque qu'ei pro avançat entà poder prepausar ua adaptacion aus besonhs de nombrosas comunas. Dab GéoBasque, la Comunautat d'Aglomeracion País Basco que pòt partatjar dab las Comunas un hum de dadas deu noste territòri, qui serà possible entà las comunas de consultar, crotzar, dessenhar, o enqüèra tirar en cartas, etc.
Desvolopat de seguida peu son servici informacion territoriau, GéoBasque que contunharà a s'enriquir en dadas e foncionalitats entà respóner aus enjòcs operacionaus, de coneishença deu territòri e d'ajuda a la decision.
Public concernit
Las 158 comunas de la Comunautat d'Aglomeracion que son concernidas peu servici comun mutualizat entà l'accès de las Comunas au son sistèma d'informacion geografica (SIG) suu son territòri.
La creacion d'aqueth servici comun mutualizat SIG que respon a besonhs au còp comunaus e comunautaris.
Començada e durada
L'adesion au servici comun SIG País Basco qu'entrarà en vigor a la data de signatura de la convencion per las duas partidas, Comuna e Comunautat d'Aglomeracion, a partir deu 1èr de genèr de 2025. Aquera convencion que serà concludida entà ua durada indeterminada .
La mea demanda d'adesion
Las demandas que son recebudas tot lo long de l'annada .
Las Comunas desirant aderir que deven deliberar en conselh municipau l'adesion au servici comun e tornar la convencion signada en dus exemplars a l'adreça seguenta :
Comunautat d'Aglomeracion País Basco
DGA ST AH Servici Administratiu e financèr
15 avienguda Maréchal Foch, CS 88 507 - 64185 BAIONA
Que trobaratz ací devath (a telecargar) lo modèle de convencion e la deliberacion suu servici comun SIG, atau com ua proposicion de deliberacion en conselh municipau.
A telecargar
- Convention d’adhésion DOCX - 74,47 Ko
- Projet de délibération du Conseil Municipal DOCX - 23,15 Ko
- Délibération de la Communauté Pays Basque Création d’un service commun pour l’accès au système d’information géographique PDF - 4 pages - 228,51 Ko
Qu'èi besonh d'ajuda
Entà tota entresenha, que podetz contactar per corric lo servici informacion territoriau de la Comunautat País Basco a Sig.capb@communaute-paysbasque.fr o lo cap de servici Simon Estinès a s.estines@communaute-paysbasque.fr. Que podetz egaument plear lo formulari de contacte en linha.
Questions frequentas
Quau ei lo « servici sòcle » desplegat a comptar deu 1èr de genèr de 2025 ?
Lo «servici sòcle» que correspon a la mesa a disposicion, per GéoBasque, deu sòcle de las dadas geograficas deu territòri, d'ua formacion a l'usatge e d'assisténcia a la practica. Que serà desplegat a títol graciós a comptar deu 1er genèr de 2025 segon las modalitats presentadas dens la convencion.
Dens l'encastre deu servici sòcle, qu'ei prepausat l'accès estandard a las foncionalitats de consulta, interrogacion, impression e export de las dadas constitutivas deu sòcle comunautari atau com l'acompanhament e lo supòrt a l'utilizacion.
Lo servici informacion territoriau qu'a en carga :
- lo manteniment en condicion operacionau de GéoBasque dab gestion e seguit deus prestataris dont l'intervencion ei requerida entau son bon foncionament ;
- l'administracion deus comptes utilizators entà las comunas ;
- la gestion administrativa e tecnica d'un sòcle de dadas hidabla e actualizat ;
- lo catalogatge de las dadas ;
- la formacion sus las foncionalitats simplas de las atrunas ;
- lo supòrt tecnic e l'assisténcia aus utilizators de GéoBasque ;
- l'animacion deu dispositiu de mutualizacion e coordinacion enter la Comunautat d'Aglomeracion País Basco e las comunas ;
- la velha tecnica e juridica en ligam dab l'informacion geografica.
Quaus son las tascas non asseguradas dens l'encastre deu « servici sòcle » ?
Lo servici informacion territoriau n'assegurarà pas las tascas seguentas dens l'encastre deu servici sòcle :
- la sasida o l'integracion de las dadas « mestièr » comunaus ;
- la formacion entà las foncionalitats avançadas ;
- la realizacion de las « cartas a la demanda » o de las òbras especificas de cartografia ;
- la presa ne carga de prestacions pontuaus a la demanda.
Quau ei lo « servici avançat » desplegat a l'orizont fin 2025, au començar de 2026 ?
Sòus que resèrva adesion au servici sòcle, un segond servici dit « servici avançat » que serà coconstruit dab las comunas volontàrias a l'entorn de l'integracion de dadas comunaus, de prestacions especificas o enqüèra de gropaments de comanda entà aquisicion de dadas. Aqueth servici que necessitarà de las ressorsas dedicadas e un budget a definir, e que serà donc tarifé. Los talhèrs de co-construccion d'aqueth servici avançat que son considerats a orizont fin 2025, au començar de 2026. Un ajustèr a la convencion que'n precisarà lo dispositiu, las modalitats d'adesion e los còsts associats.