Servici d'ajuda a domicili

Lo servici d'ajuda a domicili qu'a entà mission de facilitar lo manteniment a domicili en vs'ajudant e en vs'acompanhant dens lo compliment de las tascas e activitats de la vita vitanta.

Qui ne pòt beneficiar ?

Tota persona en situacion de vulnerabilitat, atjada de mei de 60 ans, o relhevant d'un handicap.

L'ajuda deu CIAS País Basco n'ei pas accessible qu'a las personas residint suus sectors seguents :

• Garazi-Baigorri ;
• Soul-Xiberoa ;
• País de Bidaishe

Entaus autes sectors, que prenetz contacte au près deus vòstes CCAS .

Com har la mea demanda d'ajuda ?

Tota persona desirosa d'un servici d'ajuda a domicili que deu purmèr contactar l'antena deu CIAS a la quau ei restacada la soa comuna.

A la sortida d'aqueth prumèr contacte, un encontre dab un referent administratiu que serà organizat au vòste domicili entà :

• efectuar ua avaloracion personalizada de la vòsta situacion ;
• estudiar las possibilitats de presa en carga ;
• recercar finançaments eventuaus.

Ua estima que serà establida e un projècte d'acompanhament adaptat aus vòstes besonhs que'vs serà prepausat .

Ajuda a domicili / Auxiliara de vita : quau ei lo lor ròtle ?

Los professionaus qui van interviéner au domicili que's  desparteishen en 2 categorias : las ajudas a domicili e los auxiliars de vita. Las ajudas a domicili que sostienen dens las tascas domesticas . Los auxiliars de vita qu'asseguran un acompanhament personalizat entà gèstes e deus actes necessitant ua certana tecnicitat.

Ròtle de l'ajuda a domicili

• entertien deu domicili (sòus, mòbles, cosina, …)
• ajuda a la preparacion deus repaishs
• netejatge de las vitras e miralhs
• entertien de la harda
• entertien de las plantas
• sortida de l'animau que domestica

Ròtle de l'auxiliar de vita

• ajuda au lhevar, a l'abilhament, a l'apelhatge
• ajuda entaus transferiments (lheit/fautulh, fautulh/lheit)
• ajuda a la presa de medicaments
• ajuda dens los desplaçaments a l'interior e a l'exterior deu lotjament
• elaboracion deus repaishs
• ajuda entà las corsas
• ajuda entà las desmarchas administrativas
• acompanhament pendent las activitats de la vita sociau e relacionau : passejada, lésers, etc.

Ajuda financèra

Ua avaloracion qu'ei realizada au domicili entà determinar si la persona demandaira pòt beneficiar de l'APA (Ajuda Personalizada d'Autonomia), de la PCH (Prima Compensatrice entau Handicap), o autas fòrmas de presa en carga (Caishas de Retirada, mutuaus).

Aqueras ajudas financèras qu'intervienen en foncion deu nivèu d'autonomia reconegut pendent l'avaloracion e de las ressorsas financèras.

Lo plan d'ajuda estant definit, la persona que causeish l'estructura qui'u convien entà realizar la prestacion. Segon los territòris, l'estructura que pòt estar lo CIAS, ua associacion o ua enterpresa privada.