Actor culturau : que desvolòpi los mens projèctes, la mea estructura
Qu'ètz artista o e defenetz la cultura suu territòri ? Que trobaratz sus aquera pagina de las informacions practicas e de las ajudas financèras entà vse sostiéner.
Actualizat lo : 16 July 2025
Las cordèras artisticas e culturaus estrategicas
En ligam dab las comunas e los actors publics e privats deu sector artistic e culturau, la Comunautat d'Aglomeracion País Basco qu'assolida la volontat de sostiéner lo desvolopament de las cordèras artisticas.
En acòrd dab lo projècte culturau, que's focaliza l'accion tà 5 cordèras, las mei representativas e estructurantas deu parçan :
- Teatre e arts associadas (circ, monaquetas, conte…) ;
- Dança ;
- Musica ;
- Arts visuaus ;
- Cinèma.
Dab la hami de bastir chic a chic ua politica d'acompanhament de las cordèras, la direccion cultura que prepausa un servici de proximitat dab un referent per cordèra e mantrun dispositiu especific.
En aqueth encastre, l'escritura de navèths critèris de finançaments, de convencions pluriannaus, l'animacion d'un hialat de cooperacion d'actors e l'identificacion deus besonhs deus nòstes interlocutors que son autant mejans qui permeten de har deu parçan ua sèrva d'art de cultura qui borish.
Los referents per cordèra
| Airau | Identitat de la referenta | Corric de la referenta |
|---|---|---|
| Cordèra teatre e arts associadas | Julie Bercetche | j.bercetchecommunaute-paysbasquefr |
| Cordèra teatre en basco e dança | Xabina Claverie-Urruty | x.claverieucommunaute-paysbasquefr |
| Cordèra musica | Annelise Arnaud-Cazamayou | a.arnaudcommunaute-paysbasquefr |
| Cordèra arts visuaus | Amaia Licheratcu | a.licheratcucommunaute-paysbasquefr |
| Cordèra cinèma | Graxi Irigaray | g.irigaraycommunaute-paysbasquefr |
Las ajudas financèras
Demandar ua ajuda entau projècte
En lo camin artistic, a còps, ne cau pas sonque qu'un pogat entà hà's coneisher lo projècte. La Comunautat d'Aglomeracion País Basco que prepausa mantrun dispositiu qui ajuda pontuaument la creacion. Deliberadament accessiblas e obèrts a disciplinas de tot ordi, aqueras ajudas que pòden estar demandadas tot lo long de l'annada.
- Sostien aus projèctes de difusion
- Sostien aus projèctes de mobilitat e comunicacion
- Sostien au projècte de creacion artistica a destinacion deu joen public e deu teatre en euskara e occitan-gascon
Encoratjar l'encontre d'amators e de professionaus
La Comunautat d'Aglomeracion País Basco e l'Institut culturau basco (ICB) que hèn còrda entà prepausar un dispositiu qui vòu ajudar los projèctes de creacion portats peus amators.
Entà las associacions, lo dispositiu ELKI que sostien las iniciativas artisticas e culturaus qui animan au quotidian la vita vivanta de las vilas e deus vilatges de País Basco e qui permeten aus poblants de descobrir navèras experiéncias o tamben d'enriqui's la practica artistica.
La Comunautat d'Aglomeracion País Basco que s'avisa de l’acompanhament deus amators, deus joens espaciaument, per un o deus professionau(s) de la cultura o mei tà ua durada de mantrun mes. L'intervencion financèra que vien ajudar la remuneracion d'aqueths professionaus e qu'encoratja particularament los projèctes en lencos basca o occitana-gascona.
L'ICB qu'avalora la plaça balhada a la lenco e a la cultura bascas dens los projèctes presentats dab ua dobla aliança : un acompanhament tecnic (pòle ressorsa, conselhs, mesas en relacion, comunicacion…) assortit d'un acompanhament financèr.
La Comunautat d'Aglomeracion País Basco e l'ICB que s'avisan que los projèctes de creacion ajutats siin presentats publicament, e que permetin aus participants d'enriqui's la lor practica artistica e de favorizà's l'enriquiment culturau.
Desvolopar, ahortí’s l'estructura
Los dispositius d'ajuda presentats ací qu'acompanhan lo desvolopament e l'ahortida deus actors professionaus estructurats deu parçan.
Dab au mensh un emplegat a temps sancer a l'annada, aqueths projèctes qui hèn hrèita a la vita culturau locau que pòden demandar un acompanhament adaptat segon la situacion.
Cafès, restaurants : har viéner un artista dens l'establiment
En aderint au GIP Cafès cultura, la Comunautat d'Aglomeracion País Basco que vòu ahiscar los cafès, estanquets e restaurants a har bronir la cultura suu parçan tot. Fòrt sovent, aqueths establiments n'an pas las ressorsas entà salariar artistas e tecnicians, e aquera realitat que'us hè la situacion mei precària. L'ajuda financèra deu GIP Cafès Culturas que permet aus establiments de declarar l'emplec d'artistas e de tecnicians en portant respècte au dret deu tribalh.
Crear en euskara, en occitan-gascon
Practicas popularas e amatoras en lenco basca
Dab lo sostien a l'Institut Culturau Basque (ICB), la Comunautat d'Aglomeracion País Basco que vòu ahortir lo sostien a las practicas popularas en euskara. A la crotzada deus actors culturaus de terren e de las institucions publicas, l'Institut qu'es un lòc de reflexion e d'accion entà la cultura basca dab dus èishs :
- Assegurar lo seguit e lo sostien de la practica populara e amatora ;
- Ahiscar las institucions publicas entà que hesquin miélher compte de las especificitats de la cultura basca dens l'encastre de las politicas culturaus.
L'ICB e la Comunautat d'Aglomeracion País Basco que tribalhan amassas entà crear atrunas comunas e aviene's de las intervencions entaus d'artistas qui passan deu monde amator au monde professionau.
Actors professionaus
Los dispositius d'ajuda creats per la Comunautat País Basco que prepausan modalitats especificas qui encoratjan las creacions e projèctes en euskara e occitan-gascon.
Entà aviar ua politica de sostien a la cultura gascona, l'aperet a projècte « De Cap Tau Monde » qu'es prepausat aus operators privats e amators òbran a la promocion de la lenco occitana sus e en dehòra deu parçan.
Aperet a projècte « De Cap Tau Monde » (parucion a viéner)
Las autas ajudas publicas
Autas institucions publicas qu'emparan la cultura suu parçan. Que podetz trobar un guida de las ajudas locaus suu site de la Region Novèla Aquitània atau com los dispositius de finançaments nacionaus balhats peu Ministèri de la Cultura.
Que son sostienuts per la Comunautat d'Aglomeracion País Basco
Hestaus, lòcs, estructuras o artistas, la Comunautat País Basco qu'acompanha tot jorn los qui hèn la cultura suu parçan. Ací ua lista d'operators e d'artistas qui son acompanhats a tèrmi long dab convencions e subvencions tornadissas.
Teatre e arts associadas
AXUT!
Lo collectiu Axut! enradigat a Endaia dempuish 2021, que s'i hè, dab espectacles e accions de terrenh, a har córrer lo teatre contemporanèu en euskara.
Companhia Jour de fête
Vaduda en 2014, Jour de fête Companhia qu'es ua tropa de teatre encrada au Bocau qui amassa equipas entà projèctes artistics creats en e entà l'espaci public.
Companhia Hecho en casa
Companhia franco-chilena basada a Anglet e vaduda en 2005. La companhia Hecho en casa qu'amassa artistas vienut.da.s d'aróus desparièrs, "adobaires.e.s d'istuèras" que s'i hèn a tot : au teatre, a l'escritura, a la dança o a la musica
Le Petit Theatre de Pain
Vaduda en 1994 e enradigada a Lohosso, la companhia deu Petit Théâtre de Pain qu'es hèita de 13 personas qui pòrtan amassas un projècte artistic en contacte dab las questions qui avivan lo monde.
Companhia Nanoua
Vaduda en 2013 eacasada a Baiona, la companhia Nanoua que fabrica espectacles a la crotzada deu raconte e deu teatre de mestiors e d'objèctes.
Scèna Nacionau deu Sud-Aquitan
Teatre, dança, circ o enqüèra musica, la Scèna Nacionau deu Sud-Aquitan que prepausa ua programacion rica e eclectica a Baiona, Anglet, au Bocau e a Sent Joan de Lus.
Dança
CCN Malandain Ballet Biarritz
De l'anciana Gara deu Mijorn enlà, lo Centre Coregrafic Nacionau Malandain Balet Biàrritz qu'es uei un pòle màger de la vita culturau en Navèra Aquitània dab òbras de neoclassica, reconeishudas en lo monde sancer.
Cada an, lo CCN qu'organiza lo hestau lo Temps d'Aimer la Danse. Que convida las mei beras companhias de dança a arrecaptas lo parçan entà descobrir creacions, consirar artistas e har dança. En una aliança cobastida dab la CAPB entà anar a l'encontre deus publics deu parçan.
Collectiu Bilaka
Emplacat a Baiona, Bilaka qu'es un collectiu de dançaires e musiciaires. Que s'i hè tà l'activacion contemporanèa de la cultura tradicionau de País Basco.
Elirale konpainia - Pantxika Telleria
Creada en 2001 per la coregrafa Pantxika Telleria, la companhia Elirale qu'es troba a Sent Pèr d'Ibarrèn. Que prepausa creacions entaus publics tots, deu mei joen atge enlà. Lo tribalh de la companhia qu'es tanben marcat per accions miadas shens cès suu parçan dan encontres, obradores de practica e la formacion deux sons joens dançaires própis.
Iparraldeko Dantzarien Biltzarra (IDB)
Federacion deus grops de dança tradicionau de País Basco Nòrd, IDB qu'aviva lo hilat e que prepausa obradors tot lo long de l'annada.
Musica
Atabal
Empont de Musica Actuaus de Biàrritz, labellizat per l'Estat, l'Atabal que prepausa concèrts de mantrua estetica multiplas de seteme dinc a julhet.
Bertsularien Lagunak
Associacion dedicada au desvolopament deu bertsolarisme (cant improvizat e codificat). Bertsolarien Lagunak qu'ahortish la formacion e la professionalizacion deus bertsolari (cantador.a.s) deu parçan tot.
Clarenza - Bastida de l'Oralitat
Vasuda de la companhia Lagunarte (véder mei enlà), Clarenza qu'es un centre de l'Oralitat labellizat peu Ministèri de la Cultura. Qua per mission de partatjar la creacion artistica dab lo mei gran nombre en hant de l'oralitat la mestior màger de las accions de recèrcas, de las creacions, deus encontres, deus obradors, de las conferéncias e deus eveniments.
Euskal Herria Zuzenean
Sortit de terra en 1996, lo hestau Euskal Herria Zuzenean que prepausa tres jorns de concèrts a l'airejada. Arron Sent Martin D'Arlaussa, Idaus e Mendi, Eleta, Mendionde e Irissarri, lo hestau que s'acasa en 2024 a Arberats entà perpausà'i ua causida d'artistas deu País Basco e d'enc lóc mei.
Errobiko Festibala
Portat per l'associacion Ezkandrai, Errobiko Festibala qu'es un hestau de creacions e d'encontres artistics obèrt de cap au monde e a las soas musicas. Apitat a Itsasso, que prepausa tanben rendètz-vos en autas comunas de País Basco.
Hestau Ravel
15 jorn de seguida au mes d'aost, lo hestau Ravel que convida lo artistas classics magèrs amuishà's dens las salas deu parçan.
Lagunarte
La companhia musicau LagunArte, vaduda en 2001 per Kristof Hiriart, que hè, qu'escriu, que passa e que he corrèr lo son art .
Orquèstra Sinfonic de País Basco - Iparraldeko Orkestra
L'Orquèstra Sinfonic deu País Basco-Oparraldeko Orkestra qu'es un ensemble orquestrau qui pót cambiar entà adaptà's los efectius a las salas e especificitats deu parçan. Que hè de la mediacion l'eish màger deu projècte, que hè passar la musica classica e contemporanèa entà tot lo monde suu parçan.
Cinèma
FIPADOC
Lo FIPADOC qu'amassa ua causida de documentaris deu monde sancer. La CAPB qu'encoratja lo hestau a prepausar projeccions dens los cinèmas deu parçan entà que la programacion sii atenhedissa a la màger part deu monde.
Cinénam et Culture association
Deu Cinèma l'Atalante de Baiona, l'associacion que desvolòpa ua programacion d'Arts e Assais diversificada, dab mei que mei òbras gessidas deu cinèma basco.
Zukugailua
L'associacion Zukugailua que sostien l'espandida d'ua cordèra cinematografica estructurada e activa economicament, entà har deu País basco nòrd ua tèrra d(aviada cinematografica au còr de l'Euroregion.
Gastibeltza
Gastibeltza que hè e que distribuish filmes en euskara, mei que mei dens los cinèmas deu parçan.
Arts visuaus
Musèu basco e de l'istòria de Baiona
Acasat a Baiona, lo Musèu Basque e de l'istòria de Baiona qu'amuisha l'istòria e la cultura deu País Basco. Dab lo son navèth projècte scientific e culturau, lo Musèu Basco e de l'istòria de Baiona que s'espandish chic a chic a l'escala deu parçan tot dab accions pontuaus, un projècte d'antena a Maulion e ua mesa en hilat de mantun site patrimoniau.
Praxis
L'associacion que gavida la galeria Kaxu de Baiona qui amuisha l'art de carrèra e la cultura populara. Que co-organiza tanben despuish 2017 lo hestau Points de Vue dab la vila de Baiona e de la Comunautat d'Aglomeracion País Basco.
CPIE Litorau basco
Au miei de las activitats numérosas, lo Centre Permanent d'Iniciativas entà l'Environament (CPIE) Litorau Basco d'Endaia que gavida la residéncia d'artistas Nekatoenea . Cada an artistas-autors que son arcuelhuts en residéncia entà temporas d'un a quate mes on desvolòpan la magèr part deu temps un projècte especific ligat au Maine, au parçan o en ligam dab las preocupacions deu CPIE.