Los Oficis de Torisme en País Basco
Que voletz compréner com ei organizada la politica toristica a País Basco e conéisher los vòstes contactes privilegiats ? Que retrobatz totas las informacions utilas sus aquera pagina .
Actualizat lo : 16 February 2026
Comunautat País Basco, Oficis de Torisme : Qui hè qué ?
La Comunautat d'Aglomeracion País Basco qu'exerceish la competéncia Torisme, partatjada dab l'Estat, la Region e lo Departament (article L.111-1 deu còdi deu torisme).
La Comunautat País Basco qu'ei competenta sus 158 comunas entà l'amainatjament toristic e sus 153 comunas entà la promocion deu torisme.
La Comunautat País Basco qu'exerceish la competéncia « Promocion deu Torisme » per mèdi de l'Ofici de Torisme País Basco (152 comunas) e de l'Ofici de torisme comunautari de Baiona a perimètre comunau, a qui a delegat las missions d'Arcuelh, d'Informacion, de Promocion e de Coordinacion deus partenaris.
5 comunas « estacions classadas » de torisme qu'an conservat la competéncia Promocion e que dispausan d'oficis de torisme comunaus : Anglet, Biàrritz, Bidart, Kanbo e Hendaia.
Los burèus d'arcuelh toristics
Los Oficis de Torisme Comunautaris
- L'Ofici de Torisme País Basco
- Burèu toristic d'arcuelh de St-Jean-de-Luz
- Burèu toristic d'arcuelh d'Urrugne
- Burèu toristic d'arcuelh de Ciboure
- Burèu toristic d'arcuelh de Guéthary
- Burèu toristic d'arcuelh d'Arcangues
- Burèu toristic d'arcuelh d'Espelette
- Burèu toristic d'arcuelh de Sare
- Burèu toristic d'arcuelh d'Ascain
- Bureau toristic d'arcuelh de St-Pée-sus-Nivelle
- Burèu toristic d'arcuelh d'Ainhoa
- Burèu toristic d'arcuelh de Hasparren
- Burèu toristic d'arcuelh de Bidaishe
- Burèu toristic d'arcuelh de la Bastida-Clairence
- Burèu toristic d'arcuelh d'Urt
- Burèu toristic d'arcuelh de St-Étienne-de-Baigorry
- Burèu toristic d'arcuelh de St-Jean-Pè-de-Pòrt
- Burèu toristic d'arcuelh de St-Palais
- Burèu toristic d'arcuelh de Tardets-Sorholus
- Burèu toristic d'arcuelh de Maulion-Licharre
- L'Ofici de Torisme comunautari de Baiona a perimètre comunau
Los Oficis de Torisme comunaus
Questions frequentas
Quau ei la diferéncia enter las missions de la Comunautat d'Aglomeracion País Basco e deus oficis de torisme, sustot l'Ofici de Torisme País Basco ?
La Comunautat d'Aglomeracion País Basco qu'ei competenta en matèria de desvolopament economic (èx : acompanhament deus portaires de projècte), d'amainatjament (èx: amainatjament deu Plan Locau de Randolejadas), d'estrategia territoriau (èx: elaboracion d'ua estrategia Torisme País Basco).
Qu'exerceish la competéncia Promocion per mèdi de l'Ofici de Torisme País Basco, a qui a delegat las missions obligatòrias d'Arcuelh, Informacion, Promocion e Coordinacion deus partenaris, e de l'ofici de torisme comunautari a perimètre comunau de Baiona. Cinc oficis de torisme comunaus qu'exerceishen aquera la competéncia Promocion entau compte de comunas estacions classadas de torisme.
Perqué i a mantun ofici de torisme a País Basco ?
Las comunas beneficiant deu classament en "estacions de torisme" qu'an avut l'oportunitat de conservar la competéncia Promocion : confòrmament a l'article 68 de la lei deu 7 d'aost de 2015 portant navèra organizacion territoriau de la Republica, un ofici de torisme intercomunau a competéncia comunau qu'ei estat instituït suu territòri de la comuna de Baiona ; en aplicacion de la lei Montagne II de 2016, Anglet, Biàrritz, Bidart, Kanbo, e Hendaia qu'an causit de conservar oficis de torisme comunaus.
Com las accions deus diferents actors son coordinadas ?
La Comunautat d'Aglomeracion País Basco qu'elabòra ua estrategia a l'escala de las 158 comunas, en collaboracion e en coheréncia dab las estrategias departamentau (CD64-ADT64) e regionau (CRNA-CRTNA). Sus las questions de promocion, ua coordinacion qu'ei assegurada per mèdi deu COPOL País Basco (ADT64-CAPB-7 oficis de torisme).