La gestion de las dèishas a País Basco, qui hè qué ?

Comunautat País Basco, comunas : qui hè qué ?

La Comunautat País Basco

• La Comunautat País Basco qu'ei responsablede lacollècta de las dèishas deus particulars sus las 158 comunas de País Basco ;
• Que collècta las dèishas deus professionaus quan aquestes que pòden estar assimilats a las dèishas deus particulars ;
• Qu'ei era qui met en plaça, en ligam dab las comunas, los sistèmas de collècta de las dèishas suu territòri, que collècta los bacs e cabeders e qu'assegura la gestion de las deisherias ;
• Qu'a delegat au Sindicat Bil La toa Garbi la gestion deus centres de tria e de tractament de las dèishas atau com lo reciclatge e la valorizacion de las dèishas ;
• Que conduseish dab lo Sindicat Bil La toa Garbi ua politica globau « zèro dèisha ».

Las comunas

• Las comunas que demoran responsablas de la netetat deus espacis publics (amassatge de las pobèllas publicas, netejatge de las carrèras, de las plajas, entertien deus espacis verds, etc.) ;
• Que tribalhan dab la Comunautat País Basco sus l'organizacion deu sistèma de collècta entà l'adaptar au mélher au besonh de las lors populacions.

Los servicis de las dèishas entaus usatgèrs

Si avetz ua question o ua demanda tà çò de la collècta e lo tractament de las dèishas (problèma de collècta, cambiament de bac, recuperacion d'un badge, crompa d'un compostader, etc.), qui siatz particulars o professionaus, que podetz contactar o vse tornar dens lo guichet d'arcuelh dèishas deu vòste sector.