Que compòsti los mens biodéchets

Qué lo compostatge ?

Lo compostatge qu'ei un metòde eficaç e duradís entà gerir las dèishas organicas e enriquir los sòus, las plantas, los òrts. Aquera accion que consisteish a amassar las matèrias organicas entà que la descomposicion se hàcia lèu e eficaçament.

Perqué compostar los sons biodéchets ?

Compostar los sons biodéchets presenta de nombrós avantatges tanben plan ecologics, economics que practics. La vòsta pobèlla de las bordilhas domesticas que s'aleugereish de haut o baish ¼ deu son pes e aquò que'vs balha l'oportunitat de transformar las vòstas biodéchets en vertadèra ressorsa.

Quaus son las solucions de compostatge a País Basco ?

Uei, qui s'abita en vila o a la campanha, en ostau o en apartament, ua solucion qu'existeish entà compostar las soas biodéchets e produsir compost entà un retorn a la tèrra de la matèria organica.

Lo compostatge individuau

En ostau o en apartament dab jardin, lo compostatge individuau qu'ei obèrt a tots. Un compostader de plastic reciclat atau com un bioseau e un guida que practica « Que m'i escadi lo men compost » que son remetuts gratuitament a tots los particulars qui'n hèn la demanda. A notar : despuish octobre de 2024, Bil la toa Garbi qu'a creat un site Internet entà se formar en linha abans de practicar concrètament lo compostatge.

Que demandi un compostader

Lo lombricompostage

Entà las personas vivent dens un immòble shens espaci verd privatiu, lo lombricompostage qu'ei ua solucion . Las dèishas organicas de cosina que son depausadas en tròç dens lo lombricomposteur on deus vèrmes de compost se cargan alavetz de descompausar la matèria. Un prèst-a-montar lombricompostage que vs'ei prepausada gratuitament . Que compren :

• Un lombricomposteur  (lombrics comprés)
• Ua formacion de presa en man (obligatòria) peu hialat deus Animators entà la Reduccion e la Tria de las Dèishas de haut o baish 1 òra.
• Las dimensions deu lombricomposteur que son de haut o baish 50 cm de diamètre e près de 60 cm de haut.

Que demandi un lombricomposteur

Lo compostatge collectiu en pè d'immòble

Entà las personas abitant en apartament e desirant compostar dab los lors vesins, lo compostatge partatjat qu'ei la solucion . Après autorizacion de la copropriété, un acompanhament qu'ei realizat per un mèste-compostader entà dimensionar lo nombre d'equipaments, formar los vesins-referents e lançar los compostaders. A notar : qu'ei important de dispausar de personas volontàrias e implicadas entà l'escaduda d'aqueths projèctes dens la durada !

Que podetz adreçar la vòsta demanda per corric aus mèstes-compostader de Bil La toa garbi a l'adreça biodechetsbiltagarbifr 

Lo compostatge de quartièr

Plan sovent plebiscitat dens l'encastre de budgets participatius, lo compostatge de quartièr que coneish un ahuegament creishent au près deus ciutadins . Entà la soa mesa en plaça, ua convencion qu'ei signada enter la comuna e lo Sindicat Bil La toa Garbi. D'aquí enlà, lo mèste-compostader deu Sindicat que pòrta la soa assisténcia tecnica, condusit la formacion deus referents e qu'anima deus temps d'escambis e de sensibilizacion dab los abitants volontaris.

Que podetz adreçar la vòsta demanda per corric aus mèstes-compostader de Bil La toa garbi a l'adreça biodechetsbiltagarbifr

Qu'apreni a compostar las meas dèishas

Deus guidas deu compostatge que son a la vòsta disposicion sus simpla demanda a un animator entà la reduccion e la tria de las dèishas o suu site Internet de Bil La toa Garbi.

Despuish octobre de 2024, Bil la toa Gabi qu'a creat ua atruna de formacion en linha simpla e ludica « Jòc compost » entà apréner a realizar lo son pròpi compost. Aquera formacion qu'ei obligatòria entà recéber lo son prèst-a-montar de compostatge individuau.

Jardinar mei naturau

Compostar los sons biodéchets qu'ei la debuta d'un apròchi mei naturau deu jardinatge qui consisteish a redusir la soa quantitat de dèishas, a limitar l'usatge deus pesticidas, a privilegiar espècias locaus e a creishença lenta. Si aqueth subjècte vs'interèssa, que trobaratz informacions practicas suu site de Bil La toa Garbi.