L'aplicacion Kalilo

A qué sèrv Kalilo ?

En ligam dab los Oficis de torisme e las comunas, la Comunautat d'Aglomeracion País Basco qu'a desvolopat autanlèu 2019 ua aplicacion disponibla en 4 lengas qui permet d'informar los usatgèrs sus las plajas susvelhadas de la còsta basca.

Gràcias a Kalilo, en un clic, l'usatgèr que pòt :

• verificar si la soa plaja preferida ei obèrta o barrada au par de la qualitat de las aigas de banhada ;
• conéisher la color deu drapèu, las condicions meteorologicas de la plaja (temperatura de l'aire, indici UV, vent, tranga) ;
• s'assabentar suus oraris de susvelhança de la banhada mes tanben suus servicis prepausats sus cada plaja (activitats, accessibilitat, sanitàrias…) ;
• èste alertat quan las condicions meteorologicas o deus eveniments particulars que son susceptibles de perturbar la banhada (preséncia de physalies o de la micro-alga Ostreopsis, etc.).

L'informacion qu'ei réactualisée au briu de la jornada, 7 dias sus 7.

Qué significan los simbèus sus l'aplicacion ?

Ua visualizacion rapida de la qualitat de l'aiga de totas las plajas qu'ei possibla sus la carta en pagina d'arcuelh a tota òra de la jornada, en complement deus elements detalhats figurant dens las fichas de cada plaja.

• La gota blua qu'indica que l'aiga ei de bona qualitat, 
• la gota vriuleta infòrma que la qualitat ei momentanèament degradada.

En complement, la color deus drapèus qu'ei egaument afichada sus la carta, permetent de conéisher l'estat de la banhada :

• drapèu verd : shens dangèr aparent
• drapèu jaune : banhada autorizada e dangèr limitat
• drapèu roi : banhada e activitats nauticas defendudas
• lo drapèu vriulet qu'ei afichat en cas de barradura preventiva per degradacion de la qualitat de l'aiga,
• lo drapèu blanc que significa que la banhada ei pas susvelhada au moment de la connexion sus l'aplicacion.

Com telecargar Kalilo ?

L'aplicacion qu'eitelecargabla gratuitament sus l'Apple Estòresus Google Play.

L'aplicacion qu'ei estada cofinancée per l'Union Europèa .