Los physalies

Qué ua physalie ?

La physalie (o Physalia physalis) qu'ei un organisme marin comunament aperat « galèra portuguesa », pr'amor de la soa semblança dab los vaishèths portugués deus XV e XVI^ème sègle. 

Sovent confonuda a ua medusa, la physalie qu'ei un syphonophore, sòrta de colonia de polips. Que mesura un vintenat de centimètres . Que sembla de luenh a un petit balon alongat, translucide, aus rebats ròses e blus, dominat per ua cresta evocant ua vela.

Que dispausa d'un flotader complit d'aire qui la mantien a la susfàcia e qu'ei equipada de tentacules plan urticants . Los sons filaments que pòden mesurar dinc a 10 mètres de long e que creman au contacte de la pèth, quan l'animau serà mòrt o mauescadut sus la plaja. La dolor qu'ei hòrta e immediata, dab rojor, prudèra, a còps malesa o geina respiratòria en çò de daubuas personas.

Los physalies que viven abituaument dens las mars tropicaus e subtropicaus mes que pòden estar deportadas peus vents e los corrents marins sus de longas distàncias. La preséncia de Physalia physalis qu'ei estada senhalada sus las còstas Sud-oèst d'Anglatèrra, sus las còstas francesas d'Aquitània mes tanben sus la còsta bèlga, en Catalonha, en Tunisia o en Sardenha.

Qué har en cas de piqure ?

• Retirar los tentacules dab mossa a rasar (fauta deu sable sec) e un carton rigide (tipe carta de crèdit) o ua pinça a epilar. Ahrescar puish la pèth a l'aiga de mar (pas d'aiga doça, aquò que libèra mei de veren) ;
• Non pas pas se fretar los uelhs o los pòts ;
• Non pas fretar la pèth o la zòna enveriada dirèctament dab la man ;
• En cas de malesa o de signe aute : s'anar au pòst de secors o aperar lo 15.

Com limitar los riscs d'exposicion ?

• Non pas tocar los physalies mauescadudas sus la plaja. Quitament mortas, que demoran verenhosas . Senhalar la lor preséncia au pòst de secors ;
• Sus la plaja, respectar los panèus d'alèrta e las consignas deus mèstes-nadaires. En cas de risc, lo cap deu pòst de secors que pòt préner la decision de barrar la plaja ;
• Consultar l'aplicacion Kalilo. Si physalies son localizadas, l'aplicacion qu'ac senhala ;
• Portar ua combinason si practicatz la natacion, lo surf o l'immersion dens ua zòna a risc.