Que desvolòpi las energias renovelablas sus la mea comuna

Perqué desvolopar las energias renovelablas sus la mea comuna ? 

Lo perfiu energetic de País Basco qu'ei mercat per ua hòrta dependéncia a las energias fossilas . Los produits petrolèrs e lo gas naturau que representan mei de 60% de las consomacions energeticas finaus deu territòri. L'electricitat, dont lo mix ei nacionau e majoritàriament d'origina nucleara, que representa mei deu quart (27%) de las consomacions de País Basco. Las energias renovelablas produsidas locaument ne cobreishen pas, en 2022, qui 15% deus besonhs energetics deu territòri.

La dependéncia de País Basco a las energias fossilas e a l'electricitat que lhèva, au delà de las questions climaticas, deus enjòcs de vulnerabilitat en tèrmes d'aprovesiment e que representa ua factura territoriau energetica qui's lhèva a 846,8 milions d'euros, sia 2 764 euros per abitant e per an.

Las energias renovelablas estrategicas entà País Basco 

Dens la perspectiva d'atenuar lo son impacte suu cambiament climatic e de garantir la soa autonomia energetica, la Comunautat País Basco que s'engatja a vàder a l'orizont 2050 un territòri a energia positiva (TEPOS). Aquò que consisteish entà País Basco a cobrir l'integralitat deus besonhs de consomacion energetica deu territòri per energias renovelablas produsidas locaument. Un Esquèma Director de las Energias que serà establit dens lo corrent de l'annada 2025 entà planificar temporaument e spatialement lo desvolopament de las energias renovelablas. 

Lo Plan Climat qu'orienta la soa prumèra programacion sus un desvolopament massiu deu fotovoltaïc solar sus bastiment o terren artificialisé o polluït e suu manteniment e l'optimizacion de l'idroelectricitat, uei majoritària dens lo mix energetic de l'electricitat renovelabla a País Basco.

Tanben, la Comunautat País Basco que desira acréisher las capacitats de produccion en tèrmes de calor renovelabla peu desplegament deus hialats de calor, qui aqueth sia dens las principaus zònas urbanas o dens los borgs ruraus de País Basco. De nombrosas localitats que dispausan d'un nivèu de densitat termica qui justifica ua reflexion d'implantacion de hialats de calor.

Los dispositius d'ajudas a l'implantacion d'energias renovelablas 

• Entà desvolopar la produccion d'energia solara,uncadastre solar qu'ei estat desvolopat .Qu'identifica los sites mei propicis a l'installacion d'unitats de produccion e que permet d'animar lo desvolopament deu solar suu territòri ;
• L'energia gessida deus panèus fotovoltaïcsque benefícia d'ua ajuda de l'Estat peu sistèma d'Obligacion de Crompa. Las condicions de la crompa o de la prima d'autoconsomacion atau com las condicions d'eligibilitat a l'Obligacion de Crompa son descrivudas dens un arrestat tarifari. Los arrestats tarifaris que son adaptats a las condicions economicas e a las prioritats publicas deu moment. Atau, que son abrogats e remplaçats regularament, au grat deu temps. Dens l'encastre de l'obligacion de crompa, lo kilowattheure d'electricitat fotovoltaïca qu'ei venut peu productor a ua tarifa fixada per arrestat, ua mesura incitativa a l'origina deus nostes vesins alemands. Lo productor fotovoltaïc qu'injècta electricitat suu hialat ; lo crompador qu'ei obligat de crompar l'energiafotovoltaïcaau prètz fixat per la lei. Aqueth mecanisme que permet d'abotir a ua rentabilitat normau deus capitaus investits sus la durada de vita de las installacions. Solas EDF e las enterpresas locaus de distribucion que son sosmetudas a l'obligacion de crompa, mes deus organismes acceptats que pòden causir de préner contractes en obligacion de crompa, d'un acòrd comun dab lo productor, peu transferiment d'un contracte de crompa dab un crompador obligat ;
• Tà çò deu solar termic los particulars que pòden beneficiar d'ua prima a l'installacion per« la mea Prim Rénov » ;
• LoFons Calorterritorializat que's nommalo Contracte Calor Renovelabla Territoriau .Que permet de beneficiar d'ua ajuda tecnica e financèra aus portaires de projècte (tots los actors lhevat particulars) recorrent a lasenergias renovelablas termicas : solar termic, biomassa, géothermie, thalassothermie... ;
• La Region que desira facilitar l'accèsa de navèths tipes decontractes de crompa d'electricitatentà las enterpresas industriaus neo-aquitanas, en permetent l'emergéncia de navèras centraus fotovoltaïcas suu son territòri. Qu'ètz un industriau e que consumeishetz mei de 15 GWh d'electricitat annaument ? Qu'ètz un gropament d'enterpresas desirant contractualiser amassa en grat a grat e atau aquerir amassa la produccion d'ua centrau solara ? Que podetz estar acompanhats dens las vòstas desmarchas e los vòstes finançaments per la Region.