Qu'estàuvii l'aiga
Preservar l'aiga, qu'ei garantir lo son accès a tots e a las generacions futuras mes qu'ei tanben protegir l'environament. Que'vs balham ací quauques conselhs e ajudas practicas entà ua consomacion mei responsabla.
Actualizat lo : 10 February 2026
Perqué redusir las meas consomacions d'aiga ?
- País Basco que coneish dejà periòdes de sequèra e que poiré pèrder dinc a 30% de la soa disponibilitat en aiga d'ací 2040, pr'amor deu cambiament climatic ;
- A País Basco, ¾ aiga bevedera qu'ei consumida peus particulars . Los nostes gèstes individuaus qu'an un reau impacte entà evitar las penurias ;
- La consomacion mejana entà País Basco qu'ei de 192 litres per dia e per abitant desservit (en 2022). Qu'ei superiora de 15% a la valor constatada suu plan nacionau ;
- Consumir mensh d'aiga que permet economias substanciaus sus las soas facturas d'aiga mes tanben suu còst globau de foncionament deus servicis de l'aiga e de l'assaniment (estocatge de l'aiga, despollucion de las aigas usadas, etc.).
- Les particuliers consomment 75% de l'eau potable
- L'agriculture : 14%
- L'industrie : 10%
- Les services publics (hôpitaux, mairies, écoles, …) : 1%
Los écogestes deu quotidian
Controlatz las vòstas consomacions
- Mesuratz las vòstas consomacions d'aiga abituaus. Que veiratz atau quaus son los gròs pòsts de despensa suus quaus devetz agir e las economias qui auratz realizadas. Lo centre d'informacion sus l'aiga - CIEAU que prepausa un simulator en linha entà vs'ajudar a har lo calcul.
- Qu'Asseguratz qu'i a pas hueita dens las vòstas installacions. Copatz l'aiga lo ser davant de'vs cocar, n'utilizatz pas aiga la nueit, que relhevatz lo vòste comptader e que verificatz lo matin que las vòstas consomacions an pas bolegadas. Si suspectatz ua hueita, que contactatz un plombaire entà localizar la soa origina. Ua chorrolha qui huei representa mei de 600 litres per dia degalhats sia près de 1000 euros per an !
- Hygiène : 39%
- Sanitaires : 20%
- Linge : 12%
- Vaisselle : 10%
- Cuisine : 6%
- Jardin-voiture : 6%
- Divers : 6%
- Boisson : 1%
Données issues du Centre d'information sur l'eau
Utilizatz mensh d'aiga
- Redusitz lo temps de las dochas. Las dochas e banhs que representan 40% de las nostas consomacions d'aiga. Cada minuta passada devath la docha, b'ei 15 litres d'aiga utilizats ! En diminuïnt de 1 minuta lo vòste temps de docha, que podetz redusir la vòsta consomacion de 10% per dia. Si aqueth écogeste èra aplicat peus 320 000 abitants de País Basco, la consomacion totau deu territòri que baisharé de 6% !
- Mestrejatz la consomacion deus vòstes WC en installant ua chorrolha dobla debit, en metent un sac économiseur d'aiga o ua quita simpla botelha d'aiga plea dens la sèrva. A cada caça, qu'estauviaratz près de 2 litres d'aiga .
- Installatz mousseurs aus vòstes robinets. Que permeten de redusir lo debit d'aiga de mieitat.
- Pensatz egaument a plear completament lo vòste lavapelha abans d'ac méter en rota.
- Adaigatz lo vòste jardin e las vòstas plantas de d'òra lo matin o tard lo ser entà limitar l'evaporacion de l'aiga. Que podetz egaument installar un arrosatge automatic que -ne goteja a-gota . Aqueth sistèma qu'utiliza 20 a 30% d'aiga en mensh cap a un arrosatge classic e que pòt estar religat a un récupérateur d'aiga.
Réemployez l'aiga
- Qu'installatz un récupérateur d'aiga de ploja. La Comunautat País Basco que prepausa ua ajuda financèra entà la crompa de tot tipe de récupérateur d'aiga de ploja (hòra sòu o enterrats), shens condicion de ressorsas. Lo montant de la subvencion que depend de la contienença de l'equipament . Entà ua teulada de 100 m2, un collector que'vs poirà auherir dinc a 70 m3 d'aiga gratuita qui pòt estar utilizada entà la pleada de la chorrolha, lo netejatge deus sòus o l'alimentacion deu lavapelha (dens aqueth cas, que cau egaument dispausar d'un sistèma de tractament de l'aiga). Aquera aiga estocada que permet tanben de limitar los riscs d'inondacions en cas de hòrtas plojas.
- Recuperatz l'aiga qui hètz colar en esperant qu'era sia cauda abans la vòsta docha o quan lavatz los vòstes legumes. Que podetz utilizar aquera aiga entà adaigar lo vòste jardin.
- Experimentatz las vertuts de l'aiga de cueita. L'aiga cauda qui a servit a har còser las vòstas patanas boridas que pòt, per exemple, servir a deserbar lo vòste jardin.
E ac sabètz ?
Entà alertar los abitants suus riscs de penuria d'aiga, la Comunautat País Basco qu'a lançat en 2022 lo baromètre de l'aiga. Aqueth calculator qu'indica cada setmana los nivèus deus cors d'aiga de País Basco cap a la mejana de las 10 darrèras annadas. Un mejan d'incitar aus éco-gèstes, sustot pendent los periòdes de sequèra.
Hèitas baishar las vòstas consomacions virtuaus
- Que's parla d'aiga virtuau entà qüantificar l'aiga utilizada entà produsir e transportar los produits qui consumeishem correntament. En crompant mei responsable, que reduseishetz las consomacions d'aiga sus la planeta .
- Privilegiatz los vestits de segonda man. Que cau 2 500 litres d'aiga entà fabricar un quessòt e 4 còps mei entà un jean ! L'ADEME que prepausa ua infografia plan detalhada suus devaths de la mòda e que balha conselhs utiles entà consumir mélher.
- Qu'adoptatz ua alimentacion mei equilibrada . Actuaument en França, la produccion de l'alimentacion que necessita enter 3 e 5000 litres d'aiga per dia e per abitant. Entà diminuïr la nosta consomacion d'aiga (dinc a 35%), l'ANSAS que recomanda per exemple de consumir 5 hruts e legumes per dia e de limitar la consomacion de carn a 500 gramas per setmana.
Entà mei d'informacions, rendètz-vos suu site internet deu Centre d'informacion sus l'aiga.
L'aiga en agricultura
Qu'ètz agricultor e que desiratz realizar estauvis d'aiga sus la vòsta espleitacion, que retrobatz las nostas paginas informacion practica :
Questions frequentas
D'on vien l'aiga qui consumeishetz ?
L'aiga consumida a País Basco be vien de País Basco ! Qu'ei gessida entà moitié d'aigas sosterranhas provienent de 127 honts naturaus e entà l'auta mieitat de prelevaments dits de susfàcia, qu'ei a díser captats dens los arrius, sus 11 sites diffférents.
Qué la sequèra ?
Los efèits cumulats d'ua manca de precipitacions, deu calimàs e d'ua hauça de consomacion devuda a l'activitat toristica, a l'agricultura o l'industria que pòden condusir a un estat de sequèra. En foncion deus enjòcs locaus e de las tensions observadas sus la ressorsa en aiga, los prefèctes que pòden préner mesuras de restriccion adaptadas.
Com estar previenut en cas de restriccions d'aiga sus la mea comuna ?
Autanlèu que règlas de restriccion s'aplican, l'espleitador ne carga de l'aiga sus la vòsta comuna que vs'alèrta per SMS o per corric. Si recebetz pas de messatges, que verificatz au près d'eth que las vòstas coordenadas son a dia o qu'interrogatz lo vòste sindicat dens lo cas d'ua copropriété . Si'vs desplaçatz o que viatjatz en França, la platafòrma nacionau Info sequèra que'vs poirà estar utila.
Com las ressorsas en aiga se recargan ?
Las ressorsas en aiga que's recargan gràcias a las plojas e a la nèu l'ivèrn. Mes atencion, entà qu'ua ploja penètre dens las capas freaticas e que reconstituesca un estòc d'aiga, ne cau pas qu'era sia tròp abondanta, senon l'aiga riuleja e ne s'infiltre pas dens lo sòu . La ploja dita « eficaça » ne representa pas, en mejana, qui 30% deu volume de las precipitacions.
Qu'èi besonh d'ajuda
Que'vs voletz engatjar dens la baisha de las vòstas consomacions d'aiga e d'energia ? Perqué non pas participar a un Desfís-descliquetada ? animators locaus que vs'acompanhan pendent 6 mes entà vs'ajudar a cambiar las vòstas costumas e har baishar las vòstas consomacions.