Lo Tèrçlòc Olha a Banca

Un lòc entà arcuélher l'economia au còr de la vath de las Aldudes

Actualizat lo : 12 February 2026

Print this page

Qué lo tèrçlòc Olha ?

Vadut d'ua desmarcha ciutadana iniciada autanlèu 2018 per talhèrs participatius, lo tèrçlòc Olha qu'ei un espaci innovant dedicat a l'entrepreneuriat locau e a la cooperacion. Destinat a l'ensemble deus actors de País Basco, Olha que desplega las soas activitats a l'entorn de la formacion, deu numeric, de la transicion ecologica, de la produccion locau, de la cultura e de la cohesion sociau.

On se situa lo tèrçlòc Olha ?

Olha que's tròba dens la Vath de las Aldudes, au còr de País Basco, regropant las comunas de Banca, Urepel e las Aldudes.

Aqueth territòri rurau de 1 000 abitants qu'ei reconeishut entau son quadre naturau excepcionau, lo son patrimòni materiau e immateriau vivent e lo son dinamisme locau. Dab près de 120 espleitadors agricòlas, de las enterpresas agroalimentàrias dinamicas e un hialat d'artisans, la vath qu'incarna ua ruralitat activa, solidària e resilienta.

Un lòc de cooperacion e d'intelligéncia collectiva 

L'Ostau deu Kintoa
Actor màger deu projècte, la cordèra deu Pòrc Basque Kintoa qu'a installat los sons burèus dens lo tèrçlòc Olha. Qu'i desvolòpa egaument un centre d'interpretacion consacrat ad aquera raça emblematica. Miaçada de disparicion dens las annadas 1980, la cordèra qu'ei estada sauvada gràcias a la mobilizacion de neuridors estacats au lor territòri. Uei, près d'80 aderents – neuridors, transformadors e artisans – que tribalhan amassa entà preservar la raça e valorizar ua carn reconeguda entà la soa qualitat excepcionau, devath los labèls AOP Kintoa e AOP Cambajon de Kintoa.

L'associacion AIBA
La gestion e l'animacion d'Olha que son hidadas a AIBA (Aldudeko Ibarra Beti Aintzina – la Vath de las Aldudes tostemps deu davant). Creada en 1994 peus abitants de Banca, Urepel e los Aldudes, l'associacion que fedèra abitants, enterpresas, associacions e comunas a l'entorn d'un medish objectiu : har víver e dinamizar la vath. AIBA qu'acompanha las iniciativas locaus dens maines variats – economia, sociau, cultura, lenga basca, environament – en promovent valors de cooperacion, partatge e obertura.