Qu'implanti la mea enterpresa a País Basco
Trobar un lòc d'implantacion qu'ei ua causida determinanta entau desvolopament d'ua enterpresa . Que deu estar soscat e bastit rigorosament. Que trobaratz sus aquera pagina deus conselhs e ajudas practicas entà començar la vòsta estrategia d'implantacion a País Basco.
Actualizat lo : 12 February 2026
Las bonas rasons de s'implantar a País Basco
- Ua economia dinamica, un deus taus de caumatge los mei baishs de França ;
- De las cordèras d'excelléncia identificadas e sostienudas : Aeronautic, Construccion duradissa, Numerica, Economia blua, Santat, Agro-alimentària, Artisanat d'art e de produccion, Logistica ;
- Ua posicion geografica estrategica, a 2h de Bordèu, 1h de Pau, 3h de Tolosa e 2h de Bilbao ;
- De las infrastructuras de transpòrt complementaris : un aeropòrt, mantua gara, l'A64 e l'A62, un centre de carga e un pòrt industriau ;
- Ua auhèrta de formacion e de recèrca en plea aviada : l'escòla d'engenhaires ESTIA, l'UPPA, etc.
- Un territòri plan haut debit ;
- Un ecosistèma favorable a l'innovacion, ua Tecnopòli, deus laboratòris de recèrca, de nombrosas enterpresas innovantas ;
- Ua qualitat de vita unica, enter ocean e montanha ;
- Un ric patrimòni naturau e culturau ;
- Ua aglomeracion au servici de la creacion e deu desvolopament de las enterpresas ;
- Un servici especific dedicat a las implantacions exogènas :Basque Invest.
Las cordèras estrategicas de l'economia basca
La Comunautat d'Aglomeracion País Basco qu'orienta la soa accion a l'entorn d'8 cordèras d'activitats, a hèra potenciau de desvolopament entau territòri.
- Industrias aeronauticas, materiaus avançats, en acompanhant la mutacion d'un teishut d'enterpresas de sostractança de capacitat a un ecosistèma de produccion d'especialitats ;
- Agricultura – Agroalimentària, per la començada deu projècte « País Basco, territòri equitable, tèrras deus paisans de doman » ;
- Construccion duradissa, en agint sus la transformacion d'un sector d'activitat istorica per l'integracion deus enjòcs environamentaus, de mestria energetica e de sobrietat ;
- Industrias e servicis deu numeric en repositionnant lo territòri com un laboratòri e un tèrrahems de las industrias e servicis deu numeric ;
- Economia blua, en confortant la plaça de País Basco sus la cordèra economia de l'ocean en complementaritat dab las autas dinamicas nacionaus, europèas e regionaus ;
- Artisanat de produccion, en identificant e en acompanhant las enterpresas e las cordèras a hèra potenciau de saber-har e de desvolopament ;
- Industrias de la Santat e MedTech, en capitalizant a l'entorn deus miaires industriaus locaus e deus enjòcs de que la datè dens aqueth maine ;
- Logistic, per la construccion d'ua auhèrta de servicis e d'infrastructuras metropolitanas en supòrt de l'economia productiva.
Descobritz las nostas huelhas de rota entau desvolopament economic de País Basco
Las zònas on s'implantar a País Basco
País Basco que benefícia d'un large ventalh de possibilitats entà implantar la soa enterpresa. Que raperam que tota enterpresa ei tienuda d'aver ua sedença sociau, quitament si s'ageish d'ua simpla domiciliacion.
Las zònas d'activitats economicas
Qu'existeish 136 zònas d'activitats economicas suu territòri dont 82 publicas geridas per la collectivitat. Entà mei d'informacions sus l'implantacion dens ua zòna d'activitats economicas, que podetz contactar la Direccion deu desvolopament economic de la Comunautat País Basco : deveco@communaute-paysbasque.fr.
Los sites de la Tecnopòli País Basco
Vertadèra locomotiva deu desvolopament economic deu territòri, la Tecnopòli País Basco (labellisée RETIS despuish 2015) qu'acompanha lo desvolopament de cordèras innovantas . Que crea un tèrrahems fertile entà las enterpresas a hauta valor aponduda en maridant ensenhament superior, recèrca, desvolopament economic e servicis a las enterpresas sus 6 sites d'implantacion :
- Izarbel a Bidart, dedicat a las industrias e servicis numerics ;
- Technocité a Baiona especializat dens los maines de l'aerospaciau e deus materiaus avançats ;
- Arkinova a Anglet, orientada suu sector de la construccion duradissa ;
- ID Ocean, site technopolitain multi-sites, dedicada a las tecnologias de l'ocean ;
- lèu un 5ème site dedicat dedicata l'Agroalimentari, a Aicirits;
- lèu un 6èmesitea l'Industria de la santat e Medtech.
Ua tecnopòli « hòra las parets » qu'ei tanben en projècte . Que deu perméter d'integrar actors despartits suu territòri ad aquera dinamica collectiva d'innovacion.
Las plantanhas e ostalerias d'enterpresa
Las plantanhas e ostalerias d'enterpresas qu'acompanhan la creishença deus brots joens despuish la lor creacion dinc a la lor consolidacion. Generalistas o tematics, las plantanhas e ostalerias d'enterpresas, au delà de la mesa a disposicion de locaus adaptats, qu'auhereishen tot un flòc de servicis utiles aus enterprenedors : acompanhament individuau e collectiu deus portaires de projèctes, mesa en hialat, sinergias enter los actors…
Véder la lista de las plantanhas comunautàrias
Los espacis de coworking
Apareishuts quauquas annadas a, los espacis de coworking, o tèrçlòcs, b'an lo vent en popa ! Aqueths espacis de tribalh collaboratius qu'auhereishen ua flexibilitat grana e que permeten de dispausar d'un espaci de tribalh segon los sons besonhs, a la jornada o a l'annada, a mendre còst. Que son tanben lòcs d'escambis e d'emulacion apreciats peus enterprenedors, los independents e los teletribalhaires.
Véder la lista deus tèrçlòcs a País Basco
Las ajudas au desvolopament a País Basco
La Comunautat País Basco qu'ajuda las enterpresas a se desvolopar a País Basco per un acompanhament personalizat e de las ajudas dirèctas. Entà beneficiar d'aqueth servici, que contactatz la Direccion deu desvolopament economic : deveco@communaute-paysbasque.fr.
A saber :
Daubuas zònas geograficas que permeten tanben de beneficiar d'avantatges fiscaus a l'implantacion. Lo Ministèri de l'Economia que prepausa un panorama deus dispositius existents suu son site Internet.
Un observatòri entà l'immobiliari d'enterpresas
Lançat en 2013, l'Observatòri de l'Immobiliari d'Enterpresas (AUCA) de País Basco qu'estúdia las dinamicas granas deus mercats de burèus, locaus d'activitats / enterpaus e locaus comerciaus suu territòri. Que presenta, per diferents grafics, cartas e dadas chifradas, un diagnostic de l'estat de l'immobiliari d'enterpresas a País Basco.
Consultar los Observatòris de l'Immobiliari d'Enterpresa País Basco