L'escolaritat a País Basco
Que desiratz escolarizar lo vòste mainatge a País Basco dens l'ensenhament public o en ensenhament bilingüe ? Retrobatz ací totas las informacions practicas.
Actualizat lo : 12 February 2026
L'inscripcion a l'escòla
Si lo vòste mainatge a 3 ans aquera annada, si entra en CP, o si avetz mudat a har un tribalh d'annada, que devetz har la desmarcha de l'inscríver a l'escòla.
Lo mainatge que pòt estar inscrivut dens ua escòla publica o dens ua escòla privada. Entà ua admission dens ua escòla publica, que'vs devetz apressarde la vòsta comuna de residéncia.
Derogacion entau lòc d'escolaritat
Diferents cas de figura que pòden condusir las familhas a demandar ua derogacion deu lòc d'escolaritat deus lors mainatges. Que devetz totun purmèr sollicitar l'autorizacion deu Purmèr cònsol de la vòsta comuna abans de demandar ua derogacion au près deu Purmèr cònsol de la comuna sus la quau desiraretz escolarizar lo vòste mainatge.
Que podetz egaument contactar lo Purmèr cònsol de la vòsta comuna entà eméter lo vòt d'ua auta afectacion qui la deu lor sector de residéncia. Dens tots los cas, las demandas que deven estar motivadas per escriut.
Ensenhament en lenga basca e en occitan-gascon
L'ensenhament que constitueish lo principau vector de transmission de la lenga a las generacions joenas. Mantun modèle pedagogic qu'existeish suu territòri .
Prepausada per las 3 cordèras d'ensenhament (Escòlas publicas, Ensenhament Catolic, Federacion Seaska), l'auhèrta en lenga basca qu'ei en constanta progression . En 2019, 40% deus escolans de primari deu territòri que seguivan un ensenhament en lenga basca .
Que trobaratz ací informacions practicas entà har practicar l'euskara au vòste mainatge, autanlèu lo mei joen atge.
Que'u podetz egaument har seguir ua escolaritat en lenga occitan-gascon.