La Comission Intercomunau entà l'Accessibilitat (CIA)
La CIA, otra lo son aspècte reglamentari, qu'ei ua instància qui jòga un vertadèr ròtle motor entà promòver las valors de l'accessibilitat universau portadas per la CAPB, a saber : « Har utile, practic, utilizable per tots ».
Actualizat lo : 11 February 2026
L'accessibilitat a País Basco
Vias e espacis publics, transpòrts e mobilitat, quadre bastit e establiments recebent deu public (ÈRP), numerica, site Internet e aplicacions mobilas que son tèmas màgers de l'accessibilitat qui enquadran leis e reglamentacions.
Aqueths medishs tèmas que constitueishen lo còr de las accions iniciadas e animadas per la Comunautat d'aglomeracion País Basco suu son territòri.
Qué l'accessibilitat ?
L'accessibilitat,
qu'ei perméter a cada persona de :
- Marchar dens la carrèra,
- Montar e devarar deus bus,
- Tornar dens los bastiments,
- Léger,
enténer
compréner totas las informacions utilas
transmetudas dens los bastiments,
suus sites internet
o los telefònes mobiles.
La Comunautat d'aglomeracion País Basco que tribalha
dab las associacions de personas handicapadas
e las associacions de personas atjadas
entà mei d'accessibilitat
a País Basco.
L'ambicion politica : l'accessibilitat universau deu territòri
Despuish la soa creacion, la Comunautat d'aglomeracion País Basco que mia ua politica volontarista en matèria d'accessibilitat . Que s'incarna dens ua delegacion especifica dens l'executiu per un Vicepresident ne carga de l'accessibilitat universau deu territòri.
Respóner a l'ambicion de har de País Basco un territòri exemplar en matèria d'accessibilitat universau, qu'ei obrar en favor d'ua accessibilitat :
- Innovanta,
- Utile, practic e utilizable per tots (concepcion universau),
- Partatjada per la Comunautat d'aglomeracion País Basco e totas las comunas de País Basco,
- Au servici deus sons abitants, participant deu víver mélher amassa.
La Comission Intercomunau entà l'Accessibilitat (CIA)
La creacion de la Comission intercomunau entà l'accessibilitat que vien en aplicacion de l'article L2143-3 deu Còdi generau de las collectivitats territoriaus.
Los sons membres :
- 10 associacions representant las personas en situacion de handicap e las personas atjadas ;
- 10 elegits titulars e 10 elegits suplents entà la Comunautat d'Aglomeracion País Basco ;
- 1 elegit titular e 1 elegit suplent entau Sindicat de las Mobilitats País Basco-Ador.
La Comission que tribalha entà :
- La comunautat d'aglomeracion País Basco
- Las 143 comunas de mensh de 5000 abitants deu territòri País Basco,
- Lo Sindicat de las Mobilitats País Basco-Ador.
Que publica cada annada un rapòrt .
A telecargar
- Rapport annuel 2024 de la Commission accessibilité de la CAPB (format word accessible)DOCX - 655,93 Ko
- Rapport annuel 2024 de la Commission accessibilité de la CAPB (format pdf)PDF - 49 pages - 5,26 Mo
- Rapport annuel 2023 de la Commission accessibilité de la CAPB (format word accessible)DOCX - 656,44 Ko
- Rapport annuel 2023 de la Commission accessibilité de la CAPB (format pdf)PDF - 50 pages - 3,99 Mo
- Rapport annuel 2022 de la Commission accessibilité de la CAPB (format word accessible)DOCX - 641,43 Ko
- Rapport annuel 2022 de la Commission accessibilité de la CAPB (format pdf)PDF - 36 pages - 3,08 Mo
La mesa en plaça d'un hialat dedicat a l'accessibilitat e associant las comunas de País Basco
Las 15 comunas de mei de 5000 abitants que dispausan, cadua, de la lor pròpia Comission comunau entà l'Accessibilitat.
Comissions comunaus e Comission intercomunau que tribalhan amassa dens un medish hialat entà :
- definir ua huelha de rota, deus objectius en favor de l'accessibilitat sus l'ensemble de País Basco e
- los declinar per solucions mutualizadas dont se pòt sasir cada comuna deu territòri quau que sia la soa talha e las soas ressorsas.
Exemples de projèctes
Lo servici Elioz entà las personas sordas o mauentenentas
La reglamentacion que preved que las comunas e los establiments publics de cooperacion intercomunau qu'an l'obligacion de méter en plaça un servici d'arcuelh telefonic e fisic a destinacion de las personas sordas e mauentenentas.
Per chepic d'equitat e de solidaritat, entà perméter aus administrats e aus visitaires, quau que sia la lor comuna de residéncia o de passatge, de dispausar d'aqueth servici, ua solucion de mutualizacion qu'ei estada desplegada a partir de 2020 : la solucion ELIOZ CONNECT.
Lo son finançament qu'ei assegurat conjuntament per la Comunautat d'Aglomeracion País Basco e las 15 comunas de mei de 5000 abitants deu territòri.
136 comunas que meten d'ara enlà a disposicion deus lors administrats e deus visitaires la solucion ELIOZ CONNECT.
Lo dispositiu Elgarweb entà crear sites Web accessibles
Conscients de las dificultats de produsir sites internet accessibles a tots de faiçon economica e éco-concebuda, los elegits, membres deu hialat, qu'an portat lo projècte Elgarweb .
Qu'ei un dispositiu de mutualizacion metut en plaça en 2022 : que permet a las comunas deu territòri de dispausar d'un site internet embarcant foncionalitats usuaus (ua agenda, un annuari, un formulari de contacte, etc.) en estant confòrme a la reglamentacion accessibilitat.