Cancelar lo men abonament a l'aiga bevedera
Que quitatz lo vòste lotjament o lo vòste locau e que desiratz cancelar lo vòste contracte d'abonament a l'aiga ? Que quauqu'un vs'explica com har, estapa per estapa.
Actualizat lo : 22 November 2024
Recevable tota l'annada
Realizable per internet
Estapa 1 : Qu'envii la mea demanda d'anullacion
La demanda d'anullacion que deu estar hèita au près deu hornidor de l'aiga de la vòsta comuna per escriut e minimum 3 dias abans lo dia obrat de partença.
Tant que lo servici a pas recebut la vòsta demanda escriuta, que demoratz abonat deu servici donc responsable e deveder de cap a la collectivitat e de l'espleitador deu servici.
Entaus abonats dependents dirèctament deus servicis de la Comunautat País Basco (en regia)
La demanda d'abonament que pòt estar adreçada :
- Per Internet, en pleant lo formulari de demanda d'anullacion en linha ací devath ;
- Sus plaça, en vse tornant au lòc d'arcuelh de l'aiga deu vòste sector. Lo formulari d'anullacion que'vs serà remetut a l'arcuelh .
Que hèi la mea demanda per Internet
Durada estimada : 5 minutas
Justificatius a prevéder : Fòto deu comptader d'aiga Facultatiu
Estapa 2 : Lo servici que clausura lo men abonament e qu'emet ua factura de fin de contracte
A recepcion de la mea demanda, lo men abonament au servici de l'aiga qu'ei clausurat a la data desirada .
Ua factura de fin de contracte qu'ei establida e enviada a l'adreça indicada dens lo formulari de demanda d'anullacion, sus la basa deu relhevat de comptader hornit per l'abonat o realizat per l'espleitador.
La factura de fin de contracte que correspon au periòde restant enter la vòsta darrèra factura e la data de la vòsta partença.
Exemple : la mea darrèra factura qu'ei basada sus un relhevat datant deu 15/11/2023 ; que cancèli lo men contracte a la data deu 10/01/2024 : que recebi ua factura de fin de contracte entau periòde deu 15/11/2023 au 10/01/2024.