Har ua demanda d'estacionament entà ua aira de gran passatge
Que desiratz obtiéner un emplaçament temporari o permanent dens ua aira d'arcuelh entà las gents deu viatge a País Basco ? Que vs'indicam la desmarcha a seguir ací.
Actualizat lo : 31 March 2026
Recevable tota l'annada
Realizable per internet
Estapa 1 : Qu'adreci la mea demanda d'arcuelh
Lhevat entà l'aira de Landa Ttipia a Baiona-Anglet (aperar lo 06 27 58 80 68), los responsables de grops que son convidats a préner contacte dab los servicis de la Comunautat País Basco en precisant las modalitats d'arcuelh desirats (identitat deu responsable, durada deu sejorn, nombre de caravanas, etc.), sia :
per telefòne au +33 6 58 21 33 53 (del 1èr de junh al 31 d'agost);
- per Internet en adreçant la vòsta demanda a grandspassagescommunaute-paysbasquefr ;
- dirèctament en linha en pleant lo formulari de demanda ací devath.
La demanda qu'ei a efectuar au minímum un mes abans la data d'arribada desirada.
Que hèi la mea demanda d'arcuelh per Internet
Estapa 2 : Los nostes servicis que recercan ua solucion d'arcuelh
Après recepcion de la vòsta demanda, los nostes servicis que prenen contacte dab lo responsable de grop entà precisar las modalitats d'installacion entà èste orientat cap taus terrens mei apropriats.
A saber : La Comunautat d'Aglomeracion País Basco que met a disposicion de las gents deu viatge 400 plaças en terrens de passatge. Totun, la manca de plaças qu'ei ua realitat . Los viatjaires confrontats ad aqueras dificultats que son convidats a har pròva de responsabilitat. Las installacions sauvatjas que son defendudas tant suu maine public qui sus terrens privats deus autes. Aqueras installacions que son damnatjosas per las degradacions e/o la violéncia qui'us acompanhan.
Qu'èi besonh d'ajuda
Entà tota question, mercés de contactar la Comunautat d'Aglomeracion País Basco per telefòne au 05 59 44 72 72 (diluns au dijaus de 8h a 17h30, lo divés de 8h a 16h30, hòra jorns vagaders).