Que cèrqui ua ajuda sociau (ajuda a domicili, portatge de repaish, ajuda administrativa)

Qu'ètz en situacion de vulnerabilitat e que recercatz locaument un acompanhament, que'vs balham ací informacions practicas suus servicis existents a País Basco.

Actualizat lo : 12 February 2026

Euskaraz irakurri

L'accion sociau a País Basco

Un ahoalh de actors, publics com privats, que prepausan servicis d'ajuda a las personas dependentas a País Basco. Entà trobar ua estructura qui'vs convien, que vs'aconselham de contactar lo Centre d'Accion Sociau de la vòsta comuna. Aqueth servici dilhèu comunau o intercomunau.

Los servicis prepausats

Ajuda a domicili

Lo servici d'ajuda a domicili qu'a entà mission de facilitar lo manteniment a domicili en vs'ajudant e en vs'acompanhant dens lo compliment de las tascas e activitats de la vita vitanta.

Qui contactar ?

  • Sectors Garazi-Baigorri, Soul-Xiberoa e País de Bidaishe : Centre Intercomunau d'Accion Sociau (CIAS) País Basco Ne saber mei sus l'ajuda a domicili deu CIAS ;
  • Sectors Amikuze e Iholdi Oztibarre : Associacion Adin Ederra (Contacte : 05 59 65 77 27) ;
  • País de Hasparren : associacion Laguntza Etxerat (Contacte : 05 59 29 45 80) ;
  • Autes sectors de País Basco : préner contacte dab lo CCAS de la vòsta comuna.

Portatge de repaish a domicili

En mei de hornir un repaish quotidian, la mira d'aqueth servici qu'ei tanben de rómper l'isolament, de portar ua securitat en susvelhant l'estat deu refrigerator (repaishs restants, datas de perempcion, …), d'alertar los pròches o los secors en cas de signes inquietants.

Qui contactar ?

  • Sectors Soul-Xiberoa, Baigorri Garazi, Iholdi Oztibarre, País de Hasparren e País de Bidaishe : Centre Intercomunau d'Accion Sociau (CIAS) País Basco Ne saber mei suu portatge de repaish deu CIAS ;
  • Amikuze : associacion Plan Víver (Contacte : 05 59 38 79 79) ;
  • Autes sectors de País Basco : préner contacte dab lo CCAS de la vòsta comuna.

Especieria sociau e distribucion alimentària

L'accès a ua especieria sociau que permet de crompar vitalhas alimentàrias e deus produits d'entertien a un prèmi modic, çò que vien minorar lo còst deu pòst alimentari dens lo son budget globau. L'orientacion a ua especieria sociau que's hè sus critèris sociaus e qu'ei establida per tribalhaires sociaus (SDSEI, CCAS, etc.)

Qui contactar ?

  • Sector de Baigorri Garazi : Lo CIAS qu'assegura la gestion d'ua especieria sociau suu sector de Baigorri-Garazi ;
  • Sector País de Bidaishe : Lo CIAS qu'assegura la distribucion alimentària suu sector deu País de Bidaishe ;
  • Sector Soul-Xiberoa : Collectiu Souletin (Contacte : 05 59 28 78 89) ;
  • Baiona : CCAS Baiona (Contacte : 05 59 50 67 38) ;
  • Anglet : CCAS Anglet (Contacte : 05 59 74 73 43) ;
  • Biàrritz : CCAS Biàrritz (Contacte : 05 59 23 31 08) ;
  • Urrugne /Ascain : CCAS Urrugne (Contacte : 05 59 47 95 08)

De nombrosas associacions que malhan egaument lo territòri de País Basco (Restaurants deu Còr, Crotz Roja, Secors Catolic, Secors Popular, associacions mei localizadas).

Demanda de domiciliacion

Si avetz pas domicili estable, la domiciliacion que'vs permet d'aver un justificatiu de domicili e ua adreça entà recéber deu corrièr. Aqueth dispositiu que'vs permet egaument d'accedir a drets e prestacions (que podetz, per exemple, vs'inscríver sus las listas electoraus o obtiéner l'ajuda juridiccionau).

Qui contactar ?

Ajuda sociau a l'aubergament (ASH)

Aqueras ajudas que son destinadas a compensar revienuts insufisents entà afrontar besonhs navèths (aubergament dens un EHPAD per exemple), pr'amor de la malaudia, de la vielhessa, o deu handicap.

Qui contactar ?