Que desvolòpi las mobilitats duradissas a l'escòla e dens la mea comuna

Perqué desvolopar las mobilitats duradissas sus la vòsta comuna ?

Mensh de pollucion e de nosenças

En encoratjant las mobilitats doças, que contribuatz a redusir la pollucion atmosferica mes tanben tindaira e que melhoratz la qualitat de vita deus abitants .

Ua santat melhora deus abitants

La marcha e la bicicleta qu'an ben·hèits averats sus la santat deus abitants e que reduseishen sustot los riscs de malaudias cardiovascularas .

Mensh d'encombraments

Mensh d'autos en circulacion que significa mensh d'encombraments çò qui facilita los desplaçaments e que reduseish lo temps passat sus la rota entà cadun.

Entà un País Basco preservat

A País Basco, l'auto qu'ei enqüèra utilizada dens près d'8 desplaçaments sus 10. Los trajèctes a pè o en bicicleta que demoran plan marginaus (15% entaus prumèrs e solament 1,3% entaus segonds). Dab lo son Plan de mobilitats 2020-2030, la Comunautat País Basco que vòu desvolopar las mobilitats doças suu territòri en los balhant mei de plaça dens l'espaci public.

Los documents estrategics entau desvolopament de las mobilitats

La lei d'orientacion de las mobilitats

La lei d'orientacion de las mobilitats (LOM) qu'ei estada publicada au Journal oficiau lo 26 de deceme de 2019. Aquera lei que transforma en pregondor la politica de las mobilitats, dab un objectiu simple : transpòrts deu quotidian au còp mei faciles, mensh costós e mei nets.

Le Plan de Mobilitats País Basco - Ador

Lo Plan de Mobilitats País Basco-Ador, desmarcha inedita a l'escala deu territòri, que prepausa ua vision globau de las mobilitats aliant reduccion deu trafic automobile e usatge ahortit deus transpòrts en comun, de la marcha e de la bicicleta. 

Com desvolopar las mobilitats alternativas sus la mea comuna ?

Sensibilizar la populacion

• Comunicatz dens lo vòste bulletin en afichatge municipau o sus Internet suu   flòc de servicis dejà desplegat per TXIK TXAK com los transpòrts publics, las bicicletas en liure servici, la prèsta bicicleta o las auhèrtas de cotranspòrt ;
• Organizatz eveniments tipe jornada shens auto o Challenge de la Mobilitat ;
• Encoratjatz las enterpresas locaus a elaborar plans de mobilitat entaus lors emplegats, dab incitacions entau cotranspòrt, l'utilizacion de las bicicletas o los abonaments aus transpòrts en comun.

Melhorar los equipaments ciclables e pedanhèrs

• Que realizatz un esquèma director d'amainatjament ciclable sus la vòsta comuna ;
• Desvolopatz los amainatjaments ciclables (vias verdas, pistas, bendas, sedaç bicicleta…) e pedanhèr ;
• Balhatz avantatge aus pedanhs e aus ciclistas sus las rotas comunaus e comunicar dessús ;
• Creatz trajèctes fluides, securizats, esclairats e atragents religant los quartièrs residenciaus a las escòlas, zònas comerciaus e espacis de lésers entà incitar a marchar o a har bicicleta ;
• Velhatz a çò qui los trepaders sian plan entertienuts, larges e accessibles a las personas a mobilitat redusida, dab passatges pedanhèrs vededers e plan plaçats ;
• Prepausatz servicis bicicletas (bòrna de reparacion, estacionaments securizats, etc.) ;

Redusir la plaça de l'auto en vila 

• Definitz de las zònas dens lo centre-vila (zònas 30, zònas d'encontre) o a l'entorn de las escòlas on l'accès a las autos ei limitat, reservadas aus transpòrts publics, pedanhèrs e ciclistas ;
• Redusitz l'accès a l'estacionament dens daubuas zònas sensiblas entà dissuadir l'utilizacion de las autos individuaus ;
• Creatz parcatge-relai e que metetz en plaça navetas gratuitas cap a las zònas mei frequentadas ;
• Installatz bòrnas de recarga dens los parcatges publics entà favorizar l'utilizacion de las autos electricas com alternativa mei ecologica a l'auto classica, en coheréncia dab l'Esquèma director de las Infrastructuras de recargas entà veïcules electrics ;
• Metetz a disposicion de las autos partatjadas, sustot deus veïcules electrics, entà desplaçaments mei pontuaus ;
• Incitatz au cotranspòrt en creant airas d'estacionament dedicadas.

Desvolopar las mobilitats doças a l'escòla

• Desplegatz pedibus o vélobus entà l'amassatge escolar ;
• Metetz en plaça programas de sensibilizacion a la mobilitat doça e a l'aprendissatge de la bicicleta dens las escòlas.

Agir com emplegaire

• Metetz a disposicion de las bicicletas de servici ;
• Descarbonatz la vòsta flòta de veïcules ;
• Que metetz en plaça un plan mobilitat emplegaire ;
• Prepausatz lo forfèit mobilitat duradissa ;
• Sensibilizatz los agents a la mobilitat alternativa ;
• Encoratjatz lo teletribalh.

e autas accions a retrobar sus la nosta pagina « Que desvolòpi las mobilitats duradissas en enterpresa ».

Qu'Existeish de las ajudas entà vs'ajudar dens la vòsta desmarcha ?

Las ajudas deu Sindicat de las Mobilitats País Basco Ador

Le Plan de Desplaçaments Establiments escolars

Lo Sindicat de las mobilitats País Basco Ador qu'acompanha la realizacion de Plan de Desplaçaments Establiments escolars e de Pedibus portats per las comunas e las associacions, com a Urt o Tarnòs on de las de las linhas d'amassatge escolar a pè que son estadas metudas en plaça .

Entà tota entresenha, que contactatz lo servici conselh en mobilitats per corric av.dubuccommunaute-paysbasquefr 

L'ajuda entà l'amainatjament de parcatges de cotranspòrt

Aquera ajuda financèra podent anar dinc a 75 000 € qu'a per mira d'encoratjar la creacion, l'amainatjament o l'extension d'airas de cotranspòrt. Que s'aplica sus las 158 comunas de País Basco atau com sus las comunas d'Ondres, Tarnòs e Sent Martin de Senhans.

Ne saber mei sus l'ajuda a l'amainatjament de parcatges de cotranspòrt

L'ajuda entà la creacion d'infrastructuras ciclablas

Aqueth dispositiu financèr que consisteish a acompanhar los gestionaris de vias dens l'amainatjament d'infrastructuras ciclablas continuas e securizadas e d'assegurar lo malhatge deu territòri dens ua logica de hialat ciclable País Basco-Ador.

Ne saber mei sus l'ajuda a la creacion d'infrastructuras ciclablas

Las autas ajudas publicas

França Mobilitats (desmarcha deu Ministèri de la Transicion ecologica) e Ajudas-territòris que collabòran amassa entà facilitar la recèrca d'ajudas sus la tematica de las mobilitats entà las collectivitats territoriaus e los lors partenaris, en hant vededers e accessibles tots los dispositius financèrs cobrint lo camp de la mobilitat a los quaus pòden preténder.

Accedir au portau de las ajudas publicas sus França Mobilitats

Totas las ajudas que son tanben estadas regropadas dens ua plaqueta d'informacion dedicada.