Setmana KLIMA 2025 : mei de 100 eveniments entà imaginar ua ecologia positiva

Deu 4 a l'11 d'octobre de 2025, la Comunautat País Basco qu'organiza la cinquau edicion de la Setmana KLIMA . Plaçada devath lo tèma « Imaginar ua ecologia positiva, vivedera e sostenibla », aquera setmana que prepausarà un programa ric e variat sus l'ensemble deu territòri .

Actualizat lo : 4 February 2026

Back to list Actualités

Euskaraz irakurri

Entà la cinquau annada consecutiva, la Setmana KLIMA que torna a País Basco . Aquera edicion 2025 que s'articula a l'entorn d'un objectiu centrau : informar, inspirar e encoratjar l'adopcion de solucions concrètas entà acompanhar la transicion ecologica. Près d'ua centena de rendètz-vos gratuits e accessibles a tots que ritmaràn la setmana, permetent a tots de descobrir de las iniciativas locaus e d'escambiar a l'entorn deus enjòcs environamentaus..

Lo programa 2025 que prepausa un large ventalh d'eveniments qui's debanaràn deu 4 a l'11 d'octobre :

  • Visitas de sites inspirants entà descobrir de las desmarchas concrètas dejà començadas,
  • Talhèrs practics e de sensibilizacion entà compréner mélher los enjòcs e adoptar gèstes deu quotidian,
  • Passejadas descobèrta entà valorizar las riquessas naturaus locaus,
  • Projeccions de filmes, conferéncias e exposicions entà neurir la reflexion collectiva,
  • Espectacles e concèrts permetent de mesclar cultura e transicion ecologica

La Setmana KLIMA que s'acabarà per ua serada de barradura lo divés 10 d'octobre a 18h a l'Espaci Culturau Bixintxo, a Briscous. Qu'arcuelherà ua conferéncia de Virgínia Raisson-Victor, géopolitologue e istoriana, qui prepausarà ua reflexion mesclant ecologia, prospectiva e geopolitica.

Lo programa complet d'aquera cinquau edicion qu'ei disponible en linha .

Plan Climat, on ne s'ei ?

Le Plan Climat País Basco qu'a per mira d'atenuar los efèits deu cambiament climatic e a adaptar lo territòri entà aténher la neutralitat carbòni en 2050. Tres ans après lo son lançament deus abans que son dejà vededers :

  • -10 % d'emissions de gas d'efèit de sèrra (2019 - 2023)
  • -4 % de consomacion d'energia finau (2019 - 2023)
  • +43, 6 % de produccion solara fotovoltaïca (2019-2023)
  • Baisha continua deus polluents atmosferics despuish 2005

Consultar en linha lo bilanç a mi-trajècte deu Plan Climat

En ce moment