Natura 2000 a País Basco
País Basco que compren 32 sites Natura 2000 : sites en montanha, lo long deus cors d'aiga, en mar e suu litorau. Descobritz la carta de las zònas protegidas e engatjatz-vse, vosautas tanben, dens la proteccion d'aqueths mieis naturaus sensibles.
Actualizat lo : 22 November 2024
Natura 2000 : Qu'ei qué ?
Natura 2000 qu'ei un hialat europèu de sites naturaus dont la mira ei de conciliar biodiversitat e activitats umanas, dens ua logica de desvolopament duradís.
Los perimètres Natura 2000 que defineishen deus espacis d'interès ecologic identificats entà la qualitat e la fragilitat de las espècias vegetaus, animaus e deus abitats naturaus qui abrigan.
Las practicas com l'agricultura, la caça, la pesca o lo torisme que son autorizadas suu site . Los diferents usatgèrs que son encoratjats a s'engatjar, de faiçon volontària, dens ua desmarcha vertuosa entà conciliar las lors activitats e la preservacion de la biodiversitat.
Ua gestion basada sus la concertacion
Los DOCOB (Document d'Objectius)
Sus cadun deus sites, un document d'objectiu, aperat DOCOB, qu'ei elaborat de faiçon concertada dab los actors deu territòri. Que s'apièja sus un diagnostic ecologic e un diagnostic socioeconomic. Que fixa los objectius a aténher suu territòri entà la conservacion deus abitats e de las espècias.
En 2024, a País Basco, DOCOB que son establits sus 14 sites . 2 que son a har un tribalh d'elaboracion .
La Carta Natura 2000
En complement deu DOCOB, la Carta Natura 2000, establida entà cada site, que contien engatjaments de gestion correnta e duradissa deus territòris e espacis e que renvia a practicas esportivas o de lésers respectuosas deus abitats naturaus e de las espècias d'interès comunautari.
Sus la basa deu volontariat, que permet a cada usatgèr, elegit o proprietari de s'engatjar dens la conservacion deu patrimòni naturau de la soa region en aderint aus objectius de preservacion deu site e en favorizant las bonas practicas ecologicas.
Lo COPIL (Comitat de Pilotatge)
Un site Natura 2000 qu'ei governat per un comitat de pilotatge o COPIL, qui amassa los diferents actors deu territòri entà definir conjuntament un plan d'accion (lo DOCOB) puish assegurar lo seguit de la soa començada.
Fin finau, suus sites dens los quaus lo DOCOB ei estat aprovat, ua equipa d'animacion hèit víver lo site. Lo son ròtle qu'ei d'assegurar la començada deu DOCOB, per las diferentas atrunas qui a a disposicion. Los animators que son egaument los interlocutors privilegiats entà tota informacion .
La carta de las zònas Natura 2000 a País Basco
País Basco que compren 32 sites Natura 2000 : sites en montanha, lo long deus cors d'aiga e en mar e suu litorau. Mei de 50% deu territòri de la montanha basca e 95 % deus cors d'aiga que son atau classats en Natura 2000.
Que podetz que retrobatz las fichas de presentacion de tots los sites Natura 2000 de País Basco suu noste annuari en linha. Que son sustot descrivuts las espècias e espacis naturaus a protegir, los documents d'objectius e los contactes ne carga de la gestion deu site.
Natura 2000 e jo
- Que soi un elegit locau
- Qu'èi ua parcèla o un bastiment dens ua zòna Natura 2000
- Que soi agricultor
- Que soi un utilizator de la montanha
- Que soi organizator d'ua manifestacion
Que soi un elegit locau
Lo pilotatge deus sites qu'ei hidat aus elegits locaus qui pòrtan lo comitat de pilotatge o COPIL.
La carta Natura 2000 pausa deus engatjaments de gestion correnta e duradissa deus territòris e espacis. Que renvia a practicas economicas, esportivas o de lésers respectuosas deus abitats naturaus e de las espècias d'interès comunautari. La carta n'ei pas obligatòria, cada comuna que pòt decidir d'i aderir o pas, sus tot o partida deu son territòri.
Qu'existeish enqüèra deus sites suus quaus lo document d'objectiu ei pas realizat. L'elaboracion d'aqueth document qu'ei responsabilitat deus elegits .
Qu'èi ua parcèla o un bastiment dens ua zòna Natura 2000
La carta Natura 2000 pausa deus engatjaments de gestion correnta e duradissa deus territòris e espacis e que renvia a practicas economicas, esportivas o de lésers respectuosas deus abitats naturaus e de las espècias d'interès comunautari. N'ei pas obligatòria, cada proprietari que pòt decidir d'i aderir o pas.
Deus contractes que pòden egaument estar prepausats com per exemple deus contractes forestièrs entà la regeneracion naturau o de las plantacions per exemple, deus contractes agricòlas dits « MAEC », o enqüèra deus contractes dits « ni-ni » consistint en operacions d'entertien o de restauracion d'abitats o favorables a las espècias (plantacions de sègas, restauracion de pesquèrs).
De las animacions, obradors participatius e formacions que pòden egaument estar prepausadas peus animators deus sites. Entà ne beneficiar, que's cau apressar deus animators de cada site.
Com saber si las meas parcèlas son dens un zonatge Natura 2000 ?
La carta de las zònas Natura 2000 qu'ei accessibla en linha .
Qu'èi un projècte d'òbras o de construccion dens un site Natura 2000, ce existeish de las constrentas ?
La desmarcha Natura 2000 n'exclugó pas la començada de projèctes d'amainatjaments o la realizacion d'activitats umanas, devath resèrva que sian compatibles dab los objectius de conservacion deus abitats e de las espècias qui an justificat la designacion deus sites.
Totun, entà las òbras de granas envergadura, com per exemple la creacion d'accès, qui pòden portar prejudici a la biodiversitat, un estudi d'incidéncia que pòt estar demandada.
Entà mei d'informacion,que contactatz l'animator deu site.
Que soi agricultor
De quau ajuda que podetz beneficiar?
Si ètz en zòna Natura 2000 dab un document d'objectiu, que podetz beneficiar de mantun dispositiu. En particular, qu'ei possible de contractualiser de las mesuras agro-environamentaus, de participar a concors agroécologiques, de participar a formacions taus com la gestion deus cassos cabòç o sus la biodiversitat presenta dens las parcèlas. obradors participatius que son egaument organizats peus animators Natura 2000. supòrts d'informacions hant lo ligam enter las practicas e la biodiversitat que son disponiblas .
Natura 2000 qu'ei obligant ?
Los agricultors dont la parcèla se situa en zòna Natura 2000 qu'an l'obligacion de realizar un estudi d'incidéncia entà las òbras de grana amplor.
La PAC defendut egaument de laurar las parcèlas en lanas e en prada permanentas ditas « pradas sensiblas » qui son dens un zonatge NATURA 2000, qui i aja un document d'objectiu animat o non.
Despuish 2023, ua reglamentacion navèra qu'a vocacion a assegurar que, dens los espacis terrèstres deus sites Natura 2000 a enjòcs, l'utilizacion deus produits phytopharmaceutiques sia enquadrada de faiçon a aténher los objectius de conservacion o de restauracion deus abitats naturaus e de las espècias, en preservant dens tota la mesura deu possible la dinamica actuau fondada sus un apròchi contractuau conjugant las activitats agricòlas e la proteccion deus mieis.
S'assabentar au près deusanimators deus siteso de la DDTM.
Que soi un utilizator de la montanha
Si'm passegi dens un site Natura 2000, qui devi har ?
Hèra espècias animaus que son observablas en rèsta discrèta e pacient. Demoratz suus sendèrs balisats entà limitar l'impacte suus ecosistèmas, ne culheishetz pas flors o de plantas, ne neureishetz pas los animaus e que demoratz a despart entà non pas pas los har huéger.
Respectatz egaument lo tribalh deus pastors en tienent los vòstes cans n'estaca dens las zònas pastoraus !
De las sortidas tematicas que son organizadas peus animators com, per exemple, de las randolejadas natura o deus obradors participatius de desbrossatge. Entà i participar, ce apressatzanimators de cada site.
Que soi organizator d'ua manifestacion
Entà las manifestacions esportivas, otra la declaracion de l'eveniment suu site oficiau de l'Estat, ua avaloracion de las incidéncias que pòt har besonh, segon la natura e l'amplor de la manifestacion.
Pensatz a vosautsapressar animator deu site.
D'un aute costat, de las atrunas de comunicacion que pòden estar metut a disposicion deus participants com per exemple ua exposicion sus Natura 2000.
Realizar ua avaloracion d'incidéncia sus ua zòna Natura 2000
Lo regime d'avaloracion de las incidéncias qu'assegura l'equilibri enter preservacion de la biodiversitat e activitats umanas. Lo son objectiu qu'ei de previéner d'eventuaus domaus, de verificar que los projèctes pòrtan pas atenhuda aus abitats e espècias d'interès comunautari presents dens un site Natura 2000 o de tornar definir los projèctes de faiçon a evitar de talas atacas.
Que trobaratz los formularis a assabentar suu site de la Direccion departamentau deus territòris e de la mar (DDTM).
Los animators Natura 2000 que son disponibles entà vs'ajudar a identificar las espècias e abitats d'interès comunautari qui poirén estar afectats peu vòste projècte e las mesuras d'evitament a començar.
Qu'èi besonh d'ajuda
Entà tota question relativa a ua zòna Natura 2000, que podetz contactar los animators de cada site. Que trobaratz las lors coordenadas suu noste annuari en linha .