Deus abitants que balhan vita a Ur Hatsa, creacion dançada au briu de l'aiga

Un còp per mes, un trentenat de vilatgés de la Bastida-Clairence e deus entorns que participan aus talhèrs de dança de Bilaka miats dens l'encastre deu projècte Ur Hatsa, l'alet de l'aiga. organizat per   Clarenza. L'associacion, dotada deu labèl nacionau Centre culturau d'encontre, n'a pas de que cèssa de mesclar los abitants a las soas creacions.

Ur Hatsa, d'ua deambulacion poetica entà l'environament  

Ur Hatsa, qu'ei ua creacion participativa a l'entorn de la dança, miada dab los collectius guadalopenc Hedo e basco Bilaka, « Que trobàvam interessant de har se rejúnher aqueras sensibilitats artisticas de companhias avent un hòrt ancoratge au lor territòri », precisa Kristof Hiriart, director artistic de l'associacion Clarenza e musician professionau. Lo quau anima deus cors de percussions de husta dens l'encastre d'aqueth projècte. 

Aquera collaboracion dab abitants qu'a entà finalitat ua deambulacion coregrafica e musicau au briu de l'aiga . En seteme, professionaus e amators que's lançaràn de la Bastida-Clairence a Biàrritz, per de nombrós vilatges deus bòrds de l'Aran, d'Ador, dinc a l'ocean.  

Ua metafòra dançada deu trajècte de l'aiga 

« l'aiga qu'ei ua memòria collectiva . Que ns'ei familiara, probable pr'amor que'ns travèrsa, que'ns transpòrta, o que ns'ei simplament indispensabla » que persegueish Kristof Hiriart . « Que vam ligar la dança au circuit de l'aiga : totara sauvatge, creativa, com l'ei l'aiga quan ei non captada ; totara tradicionau e mei que lissa, aquí on l'aiga ei captada entà èste bevuda, utilizada. »

Darrèr çò procediment de creacion, ua dimension ecologica que's hè dia . « Per aquera celebracion de l'aiga e deu movement, que desiram sensibilizar, raperar quant l'aiga ei un element vitau ».  
Atau, dus mondes que's responeràn : lo de la dança e de la musica tradicionau e lo au servici d'ua proessa mei liura, preparada per dançaires professionaus e amators.  

A descobrir en seteme vienent, despuish los bòrds de l'Aran, dens l'encastre d'ua collaboracion dab Lo hestau lo Temps d'Aimar a Biàrritz.