Euskararen Urtaroa 2025 : a las vòstas idèas !
L'edicion 2025 d'Euskararen Urtaroa qu'aurà lòc deu 21 de noveme au 3 de deceme vienent . Un aperet a candidaturas qu'ei lançat a totas las estructuras privadas interessadas entà co-bastir ua programacion eclectica.
Actualizat lo : 24 April 2025
Deu 21 de noveme au 3 de deceme vienent, Euskararen Urtaroa que crearà un còp de mei l'eveniment dab de nombrosas animacions organizadas sus tot País Basco.
Com a cada edicion, la programacion de l'eveniment qu'ei co-bastida dab las comunas, actors publics, privats e associatius deu territòri. L'escadença, entà las nombrosas estructuras obrant en favor de l'euskara, de prepausar fòrmas de mediacion originaus e innovantas (sortidas, talhèrs, formacions, debats, etc.) e de mostrar la vitalitat de la lenga.
Un aperet a projècte entaus operators privats
Entà encoratjar las proposicions, los operators privats e las associacions deu territòri que pòden sollicitar ua participacion financèra de la Comunautat País Basco. Las despensas ligadas a l'organizacion deus eveniments que pòden estar sostienuts a hautor de 1000 euros per animacion, a la sola condicion d'un autofinançament de 20 %.
Entà har la vòsta demanda d'ajuda, volhatz consultar la pagina dedicada a l'aperet a projèctes d'Euskararen Urtaroa 2025.
L'ensemble de las fichas-projèctes deus participants, comunas, operators publics, privats e associatius, que son a tornar abans lo 30 de mai en version numerica, a l'adreça urtaroacommunaute-paysbasquefr.