Tèrçlòc Olha : un projècte emblematic entà la vath de las Aldudes

Aqueth dimars 13 de mai, Jean-René Etchegaray, President de la Comunautat País Basco, Maitena Curutchet, Conselhèra Delegada en carga de l'Economia sociau e solidària e de l'economia circulara, Michel Oçafrain, Maire de Banca, Emilie Dutoya, Conselhèra regionau de Novèla Aquitània, Annick Trounday-Iriart, Vicepresidenta deu Conselh departamentau de Pirenèus Atlantics, e Fabrice Rosey, Sosprefècte de Pirenèus Atlantics qu'an pausat la prumèra pèira deu tèrçlòc Olha a Banca. Aqueth espaci que va perméter d'arcuélher l'Ostau deu Kintoa, un espaci de coworking, deus burèus dedicats a las enterpresas, deus espacis dedicats aus servicis a la persona e de las salas de reünion.

Actualizat lo : 14 May 2025

Back to list Actualités

Euskaraz irakurri

Devath la mestresa d'obratge de la Comunautat País Basco, aqueth projècte que s'inscriu pleament dens ua desmarcha de desvolopament economic e sociau deus territòris ruraus. Qu'a per mira d'ahortir l'atractivitat e la vitalitat de las comunas de Banca, Las Aldudes e Urepel, en creant navèras oportunitats d'emplec e de servicis entaus abitants e los actors locaus.

Un tèrçlòc innovant e federator

Lo tèrçlòc Olha, dont l'obertura ei prevista a l'estiu 2026, que serà un vertadèr pòle d'innovacion, d'encontre e d'acompanhament a l'entrepreneuriat. Qu'arcuelherà l'Ostau deu Kintoa (espaci d'interpretacion e de valorizacion deus produits locaus), un espaci de coworking accessible 7j/7, deus burèus entà enterpresas, deus espacis dedicats aus servicis a la persona (cohaire, kiné, etc.), atau com salas de reünion entà las enterpresas e associacions locaus. Aqueth bastiment de 600 m² que serà equipat d'accès internet a plan haut debit, d'espacis partatjats (cosina, destenta exteriora) e de servicis numerics (scan, impressions).

Aqueth lòc modulable que serà tanben un espaci obèrt a tots, prepausant talhèrs collaboratius, formacions, mediacion numerica, activitats sociaus e culturaus, atau com eveniments tematics o transfrontalèrs.

Lo hrut d'ua mobilizacion collectiva

Lo projècte Olha que s'inscriu dens ua dinamica territoriau iniciada en 2018 per las comunas e l'associacion AIBA, dab la participacion activa deus abitants. Despuish mei de dètz ans, AIBA qu'òbra entau desvolopament socioeconomic de la vath, sustot per la creacion d'un centre d'interpretacion, d'ua micro-grépia, d'ua naveta de transpòrt e d'ua zòna artisanau.

Un projècte respectuós de l'environament

Iniciaument previst dens un bastiment desafectat, lo projècte qu'ei estat adaptat entà garantir la securitat deus usatgèrs, dab la construccion d'un bastiment navèth en dehòra de las zònas a risc d'aigats. Parallèlament, la Comunautat País Basco qu'a engatjat la reconstruccion de l'estacion d'espuracion de Banca e de las òbras de confortement de las ribas, confirmant atau lo son engatjament en favor d'un desvolopament duradís e responsable.

Budget

Montant totau HT : 3 400 000 €
Comunautat País Basco : 2 195 000 €
Region Novèla Aquitània : 450 000 €
Euròpa / FEDER : 300 000 €
Departament de Pirenèus Atlantics : 300 000 €
Estat / DSIL :  155 000 €

En ce moment