Ajuda a la mobilitat e a la comunicacion deus artistas professionaus

Prenent la seguida de BERPIZTU, plan de sostien 2021-2023 creat après la crisi sanitària, la Comunautat d'Aglomeracion País Basco que confirma la soa volontat d'ajudar los artistas professionaus deu territòri a promòver las lors creacions. Si inscrivent dens lo Projècte Culturau de la CAPB votat en heurèr de 2023, aqueths dispositius que contribuan a sostiéner ua auhèrta culturau de proximitat diversificada suus territòris e a estructurar las cordèras artisticas. 

Que concerneishen au còp l'espectacle viu (teatre, dança, circ, monaquetas,  etc.), la musica e las arts visuaus. 

Qu'an entà objectius de : 

• Favorizar l'arrajòu deus artistas professionaus deu territòri de la CAPB a l'escalon nacionau, transfrontalèr, europèu o internacionau ;
• Favorizar lo lor accès a de navèths hialats de difusion ;
• Contribuar a los balhar ua visibilitat melhora peu desvolopament d'atrunas de comunicacion adaptats aus lors besonhs.

Entà que las ajudas versadas participen a sostiéner l'ensemble de l'economia deu territòri, que pòden estar versadas en eusko.

Modalitats generaus

L'ajuda aus projèctes de mobilitat e de comunicacion qu'ei cumulabla dab las ajudas aus projèctes e las ajudas au foncionament de la CAPB.

Los dossièrs de demanda de subvencion que deven estar depausats abans la data de desplaçament o de lançament deu projècte de comunicacion e lo projècte realizat dens los 12 mes après la data de notificacion. 

***

Retrobatz ací devath tota l'informacion relativa ad aqueras ajudas, atau com un ligam cap a la platafòrma qui'vs permeterà de depausar los vòstes dossièrs de demanda de sostien.

Aquera ajuda a la mobilitat qu'a per mira de perméter aus artistas professionaus deu territòri d'obrir navèras perspectivas de difusion en auherint aus lors representants la possibilitat de prospectar, de nodar relacions professionaus dab programators, deus productors, etc.

Que concerneish los projèctes de mobilitat vèrmes deus rendètz-vos professionaus se debanant en dehòra deu territòri de la CAPB : salons, collòquis, eveniments, hestaus, encontres professionaus, encontres pontuaus, etc.

Modalitats

L'ajuda qu'ei  limitada a 2 representants per artista : cargat de difusion, cargat d'administracion, direccion artistica, etc.

Qu'ei plafonada a 10 dias per an entà un montant maximum de 4 000 € per an e per beneficiari.

Las cargas eligiblas que son las despensas de repaishs e d'aubergament establits en referéncia aus barèmas deu Sindicat Nacionau de las Enterpresas Artisticas e Culturaus (SYNDEAC), e las despensas de transpòrts* establits en referéncia au barèma de la Foncion Publica Territoriau en vigor a la CAPB au 23 de seteme de 2023.  La revalorizacion de las cargas eligiblas que seguirà la deus barèmas de referéncia.

*¹ Anar-retorn e fresc de peatge enter la sedença sociau deu beneficiari e lo lòc de mobilitat (segon lo calculator Distància from to) dens lo limit de las despensas reaument engatjadas.

Beneficiaris

Artistas professionaus de las cordèras teatre e arts associadas (circ, monaquetas…), dança, musica e arts visuaus.

Estructuras representant los artistas professionaus gessits de las cordèras teatre e arts associadas (circ, monaquetas…), dança e musica :

• dont l'objècte estatutari ei culturau dens las cordèras artisticas precitadas ;
• dont la sedença sociau ei situada suu territòri de la Comunautat d'Aglomeracion País Basco, e justificant d'au mensh un an d'existéncia (o de la perseguida de la medisha activitat en cas de simple cambiament de nom) ;
• titulars d'ua licéncia d'enterprenedors d'espectacles o podent justificar que 50 % deus artistas de l'equipa artistica qui representa que sian professionaus (justificatius ARA de Pòle Emplec).

Artistas-autors dens lo maine de las arts visuaus (branca de las arts graficas e plasticas), identificats per un numèro de SIRET, résidants suu territòri de la CAPB.

Calendari 

Las demandas d'ajuda que pòden estar depausadas tot lo long de l'annada dinc a l'8 de noveme de 2024.

Retrobatz lo calendari deus Conselhs Permanents e la data limita de depaus de dossièrs dens lo document "mòde d'emplec' ací devath.

Avaloracion

Cada beneficiari de l'ajuda déver poder respóner a tota sollicitacion d'avaloracion deu sostien o d'encontre bilanç recebut de las parts de la Comunautat d'Aglomeracion País Basco.

Entresenhas

Cada ajuda qu'ei tractada peu referent de la cordèra concernida :

Aquera ajuda a la comunicacion qu'a per mira de perméter aus artistas professionaus deu territòri de desvolopar atrunas adaptadas aus lors besonhs e a las tecnicas de comunicacion actuaus.

Modalitats :

L'ajuda que correspon a 50 % de las despensas ligadas a la realizacion deu projècte de comunicacion.

Qu'ei plafonada a 4 000 € per an e per beneficiari.

Beneficiaris

Artistas professionaus de las cordèras teatre e arts associadas (circ, monaquetas…), dança, musica e arts visuaus

Estructuras representant los artistas professionaus gessits de las cordèras teatre e arts associadas (circ, monaquetas…), dança e musica :

• dont l'objècte estatutari ei culturau dens las cordèras artisticas precitadas ;
• dont la sedença sociau ei situada suu territòri de la Comunautat d'Aglomeracion País Basco, e justificant d'au mensh un an d'existéncia (o de la perseguida de la medisha activitat en cas de simple cambiament de nom) ;
• titulars d'ua licéncia d'enterprenedors d'espectacles o podent justificar que 50% deus artistas de l'equipa artistica qui representa que sian professionaus (justificatius ARA de Pòle Emplec).

Artistas-autors dens lo maine de las arts visuaus (branca de las arts graficas e plasticas), identificats per un numèro de SIRET, résidants suu territòri de la CAPB.

Calendari 

Las demandas d'ajuda que pòden estar depausadas tot lo long de l'annada dinc a l'8 de noveme de 2024.

Retrobatz lo calendari deus Conselhs Permanents e la data limita de depaus de dossièrs dens lo document "mòde d'emplec' ací devath.

Avaloracion

Cada beneficiari de l'ajuda déver poder respóner a tota sollicitacion d'avaloracion deu sostien o d'encontre bilanç recebut de las parts de la Comunautat d'Aglomeracion País Basco.

Entresenhas

Cada ajuda qu'ei tractada peu referent de la cordèra concernida :