Aperet a projècte Euskararen Urtaroa 2026

Contèxte

Organizat per la Comunautat d'Aglomeracion País Basco, « Euskararen Urtaroa», la sason de la lenga basca, qu'ei un eveniment participatiu qui amassa los ciutadans a l'entorn d'iniciativas locaus e collectivas en Euskara. Que contribua a l'ahortiment deu ligam sociau e a la dinamizacion de la vita comunau.

La programacion de l'eveniment qu'ei coconstruite dab las comunas, los actors privats e associatius. L'edicion 2026 d'Euskararen Urtaroa que's debanarà deu 6 de noveme au 3 de deceme .

A qui s'adreça lo dispositiu ?

Beneficiaris :
Que pòt beneficiar d'ua ajuda, tota associacion  (detentora d'un numèro SIRET) dont la sedença sociau ei situada dens lo perimètre de la Comunautat d'Aglomeracion País Basco.

Ne pòden pas beneficiar d'aqueras ajudas : 
Las enterpresas privadas exercint ua activitat lucrativa; los establiments escolars qui organizan projèctes pedagogics suu temps escolar; los actors privats e associatius qui organizan projèctes non obèrts au public gran o deus projèctes recurrents e non exprèssament organizat dens l'encastre d'Euskararen Urtaroa

Activitat eligibla :
Tota animacion desvolopant l'usatge de la lenga basca (compreneson, expression orau e / o escriuta), non recurrenta e exprèssament organizada dens l'encastre d'Euskararen Urtaroa (deu 6 de noveme au 3 de deceme de 2026) suu territòri de la Comunautat d'Aglomeracion País Basco. La dimension transfrontalèra de l'animacion, atau com la desmarcha participativa seràn apreciadas. Lo caractèr duradís (impacte environamentau e sociau) deus projèctes que serà valorizat, tot parièr com l'objectiu de paritat.

Activitat non eligibla : 
Los projèctes pedagogics e animacions a destinacion deus escolars.

Lo montant de l'ajuda financèra 

Los projèctes sostienuts que deuràn har l'objècte d'un autofinançament minimum de 20%. L'ajuda que serà plafonada a 1 000 € per projècte. Las despensas d'investiment ne seràn pas presas en carga . Dens un chepic de melhora reparticion de l'envolopa, l'ajuda de la CAPB que serà circonscrivuda a dus projèctes per estructura dens lo limit maximau de 2000€.

Depaus de candidatura

Las candidaturas que deven estar adreçadas abans lo 24 de julhet de 2026 miejanueit.

Lo dossièr complet de candidatura a l'Aperet a Projèctes que deurà arribar en format numeric a l'adreça corric seguenta : urtaroacommunaute-paysbasquefr

Procedura de d'instruccion e de decision 

Los servicis de la Comunautat d'Aglomeracion que procediràn a l'instruccion tecnica deus dossièrs .

Lo comitat de pilotatge d'Euskararen Urtaroa compausat d'elegits de la Comission politicas lingüisticas que serà cargat d'elaborar las proposicions de finançament,, qui seràn sosmetudas a la decision deu President de la CAPB. 

Que serà desliurat au portaire de projècte peus servicis de la Comunautat d'Aglomeracion e per corrièr electronic, un certificat acusant recepcion deu dossièr complet o un corric lo precisant las pèças o elements mancants.

La gestion deus dossièrs incomplets : A recepcion d'aqueth messatge, l'operator qu'aurà 7 dias entà respóner, fauta de qué la soa candidatura poirà pas estar considerada eligibla

Modalitats de versament e engatjaments deus beneficiaris

Las modalitats de versament atau com los engatjaments deus beneficiaris son precisats dens lo reglament de l'aperet a projèctes.