Passa rocada

Pr'amor deu feble nombre d'abonats, lo passa rocada 50 n'ei pas mei prepausat despuish abriu de 2025. ASF que contunha de comercializar lo passa Ulys Ocean qui permet de beneficiar d'ua reduccion de 30% sus l'ensemble de l'autorota A63.

Foncionament

Despuish lo 1èr d'octobre de 2019, los automobilistas qui manlhèvan l'autorota A63 e/o A64 entaus besonhs domicili-tribalh sus :

• lo tròç anant d'Ondres a Biriatou
• o suu tròç de Guishe a Mousserolles/Sent Pèir d'Irube 

que pòden beneficiar d'ua reduccion de 50% suu lor abonament.

Sus un trajècte preferenciau, causit au moment de la soscripcion, los usatgèrs que benefícian de 50% de reduccion suu lor abonament, a condicion d'efectuar au mes 10 anars-retorns (o l'equivalent de 20 trajèctes, quau que sia lo sens de circulacion) dens lo mes sus aqueth trajècte regular.

Beneficiaris

Clients particulars utilizant regularament l'autorota entaus lors trajèctes quotidians : 

• Abitants e/o emplegats dens l'ua de las 161 comunas deu Sindicat de las Mobilitats (158 comunas deu País basco , Tarnòs, Ondres e Sent Martin de Senhans).
• Veïcules non professionaus de las classas 1 (veïcule leugèr), classa 2 (veïcules intermediaris) e classa 5 (duas ròdas motorizats).

Soscripcion d'un abonament

Entà soscríver ad aqueth tipe d'abonament, s'anar dens la botiga ASF d'Anglet, provedit de : 

• ua pèça d'identitat
• un RIB
• un justificatiu de domicili o ua atestacion emplegaire datat de mensh de 6 mes

Informacions practicas

La botiga de las Autorotas deu Sud de França (ASF) a Anglet :

• 5 rota de Cambo 64600 Anglet
• Obèrt de 8h a 19h, deu diluns au divés

Suu web : Vinci autorota (site non compatible dab los sistèmas d'assisténcia tecnologica taus com un legidor d'ecran).