Tarificacion especifica agricòla aiga e assaniment

Lo contèxte

Per deliberacion deu 1èr de julhet de 2023, lo Conselh comunautari qu'a aprovat las tarifas machar aiga e assaniment atau com las tarifas aiga e assaniment aplicaders sus las 158 comunas deu territòri e lo lor escadencèr de començada. A la sortida deu debat sus aqueras tarifas, de las mesuras particularas destinadas aus agricultors que son estadas adoptadas en Conselh comunautari lo 15 de deceme de 2023, entà lissar los impactes de l'evolucion tarifària entà préner en compte lo contèxte economicament obligat deu miei agricòla.

Las mesuras metudas en plaça

De las tarifas especificas ditas « tarifas agricòlas », aplicaderas a l'ensemble deus comptaders soscrivuts per agricultors a comptar deu 1èr de genèr de 2024, qui a per mira d'atenuar e lissar la hauça de la tarificacion de l'aiga :

• Per ua limitacion de las parts variablas aiga e assaniment a las tarifas machar entà las comunas avent tarifas superioras ;
• Per la limitacion de l'aumentacion de la part aiga bevedera d'ua factura annau.

Deus « comptaders verds agricòlas » dab mesuras tarifàrias associadas

Un « comptader verd agricòla » qu'ei un comptader qui comptabiliza pas que l'aiga utilizada entà l'arrosatge, l'abreuvage, los bastiments de neurissatge o autes utilizacions ne generant pas d'efluents.

Tanben, la factura d'aiga associada a un « comptader verd agricòla » que serà exonerada :

• de las parts assaniment collectiu, 
• de la part redevença modernizacion deus hialats de collècta, e de la part redevença pollucion domestica, com previst dens la reglamentacion actuaument en vigor entà las redevenças Agença de l'Aiga Ador Garona.

La part fixa « aiga » deu comptader agricòla que serà de 20 € HT/an/comptader

Los comptaders existents pleant las caracteristicas d'un « comptader verd agricòla » que beneficiaràn de las mesuras tarifàrias associadas .

Los agricultors dispausant de comptaders comuns a l'espleitacion (ne generant pas aigas usadas) e a l'abitacion que poiràn sollicitar la mesa en plaça d'un comptader verd agricòla, finançada per la Comunautat d'Aglomeracion, la modificacion deus hialats après comptader restant a la carga deus agricultors.

Los publics eligibles

Qu'ei entenut per « agricultor » :

• los espleitadors agricòlas qui exerceishen ua activitat agricòla au sens de l'article L. 311-1 deu còdi rurau e de la pesca maritima :
  • espleitadors agricòlas personas fisicas (exercint a títol individuau) atjat d'au mensh 18 ans inscrivut a títol principau o segondari ;
  • espleitadors agricòlas personas fisicas (exercint a títol individuau) atjat d'au mensh 18 ans inscrivut a títol segondari a la MSA, cotizant solidària, e estatut coat que n'espàcia-tèst agricòla deu moment qu'un projècte d'installacion a títol principau ei considerat a tèrmi cort ;
  • espleitadors agricòlas personas moraus (exercint dens un quadre societari e las associacions) dont l'objècte ei agricòla.
• los gropaments d'espleitacions agricòlas : estructuras collectivas (dont las GIE, las CUMA e las associacions) dont 100 % de las parts sociaus que son detienudas per espleitadors agricòlas (au sens ací dessús) o qui son compausadas exclusivament per espleitadors agricòlas (au sens ací dessús) ; 
• las espleitacions agricòlas geridas devath fòrma cooperativa deu tipe SCIC o SCOP.

Las desmarchas a efectuar

Entà beneficiar de las tarifas especificas « agricòlas » e eventuaument sollicitar la pausa d'un « comptader verd agricòla » finançat per la Comunautat País Basco, que hè besonh de plear lo formulari de demanda de tarificacion especifica agricòla aiga e assaniment 

• per Internet, en pleant lo formulari en linha ;
• per corric a l'adreça en telecargant lo formulari ací devath ;
• per via postau, en adreçant lo formulari telecargable ací devath e los justificatius a :

Comunautat d'Aglomeracion País Basco
Direccion Aiga, Litorau e Mieis naturaus
15 avienguda Foch
CS 88507 64185 BAIONA CEDEX

Justificatius obligatòris

• Atestacion MSA justificant estatut de cap d'espleitacion agricòla (principau / segondari) atau com durada d'afiliacion
• Dens lo cas d'ua estructura collectiva, ua atestacion de la soa composicion atau com l'atestacion MSA entà cadun deus sons membres.