Qu'apreni l'occitan gascon autanlèu lo mei joen atge
Que voletz desvelhar lo vòste mainatge a la lenga gascona e lo perméter de seguir ua escolaritat bilingua ? Que vs'indicam ací la lista de las estructuras existentas a País Basco.
Actualizat lo : 11 February 2026
Lo gascon autanlèu la grépia
La grépia comunautària « Arcolan » de Bidaishe que prepausa un arcuelh bilingüe francés-occitan gascon aus mainatges, entaus parents qui'n son desirós. activitats ludicas que'us son prepausadas dens la lenga pendent la jornada, atau com comptinas, cançons e contes entà los desvelhar e de començar de'us har descobrir de las nocions claus entà la mairau. Annie Lavielle (associacion Los Gascons deu Kiwi) qu'intervien despuish mantua annada dens la grépia . Mantun còp per mes, que vien encontrar los petitons entà los sensibilizar a la lenga e a la cultura occitanas gasconas gràcias a cants e de las danças tradicionaus.
Mei d'informacions
Grépia Arcolan
3, alea deu Parc deus Espòrts
6450 Bidaishe
Tel. : 05 59 55 53 97
Email : multiaccueil.paysdebidachecommunaute-paysbasquefr
Au primari
- L'ensenhament immersiu que permet aus escolans d'apréner totas las disciplinas en occitan. Aqueth ensenhament qu'ei dispensat dens las escòlas privadas associativas Calandreta ;
- L'ensenhament bilingüe a paritat orària, prepausat dens l'ensenhament public e l'ensenhament privat catolic, auhèrta aus escolans un aprendissatge de las diferentas disciplinas tant en occitan qui en francés ;
- L'ensenhament ahortit qu'ei un module de tres òras setmanèras d'ensenhament en occitan. Qu'ei prepausat dens l'ensenhament public .
Suu noste territòri, l'escòla primària publica de Bidaishe que prepausa-ua seccion bilingua a paritat orària francés occitan .
Au collègi e au licèu
- L'ensenhament immersiu qu'ei prepausat dens los collègis e licèus privats associatius Calandreta ;
- La seccion « lenga occitana » que combina l'ensenhament en opcion de duas òras setmanèras d'occitan (tres òras en licèu) e d'ua o duas disciplinas non lingüisticas de tres òras setmanèras dispensada(s) en occitan ;
- L'opcion « lenga viva occitana » que permet aus escolans de causir l'occitan com segonda o tresau lenga, a rason de duas òras setmanèras en collègi e de tres òras en licèu.
Suu noste territòri, lo collègi public de Bidaishe que prepausa l'opcion « lenga viva occitana ».
L'arcuelh de Lésers País de Bidaishe
Lo centre de lésers qu'arcuelh los mainatges de 3 a 12 ans los dimèrcs en periòde escolar e pendent las vacanças escolaras de 7h30 a 18h45. Situat sus un territòri hòrt de la soa riquessa culturau, artistas qu'intervienen cada annada entà har descobrir o re-descobrir la cultura e la lenga occitanas gasconas aus mainatges. Lo contaire e acompanhaire en montanha David Bordes qu'ei intervienut au centre d'arcuelh de lésers l'an passat. Jonglant abillament enter lo francés e l'occitan gascon, lo bearnés qu'a hèit marchar l'imaginari deus mainatges dab los sons contes suus tèmas de la natura, la montanha e los animaus.
Mei d'informacions
Arcuelh de Lésers – País de Bidaishe
3, alea deu Parc deus Espòrts
64520 BIDAISHE
Tel. : 05 59 55 53 72
Email : loisirs.paysdebidachecommunaute-paysbasquefr
Mei d'informacions
Que trobaratz suu site « Ninon », desvolopat per Lo Congress, de las ressorsas practicas (cançons, istòrias, vocabularis, etc.) entà acompanhar lo vòste mainatge dens lo son aprendissatge.
L'associacion ÒC-BI en AQUITÀNIA, qui regropa los parents e los ensenhaires avent entà mira la promocion deu bilingüisme francés/occitan dens l'ensenhament public, que'vs poirà egaument acompanhar dens las vòstas recèrcas.