Depausar ua demanda d'urbanisme
Que desiratz bastir o realizar òbras ? Abans de començar, que devetz obtiéner ua autorizacion de la vòsta comuna. Que'vs guidam dens la vòsta desmarcha, pas a pas.
Actualizat lo : 22 November 2024
Recevable tota l'annada
Realizable per internet
Estapa 1 : Que m'assabenti sus la reglamentacion aplicadera
Suu site Servici public, que trobaratz totas las informacions practicas sus la reglamentacion aplicadera, en foncion deu tipe de projècte qui desiratz engatjar, atau com los formularis a plear e las pèças a hornir.
Suu site Géoportail de l'urbanisme, que poiratz conéisher las règlas aplicaderas au vòste terren e aus bastiments existents.
Estapa 2 : Que depausi la mea demanda
Opcion 1 : Que depausi la mea demanda au format numeric en linha
Simple e securizada, la desmaterializacion que facilita l'instruccion de las demandas e que limita los desplaçaments .
Atencion : Ne devi pas crear un dossièr en linha si èi dejà depausat un dossièr en version papèr a la maison comuna.
Que trobaratz ací devath los ligams d'accès cap aus portaus de teledeclaracion segon la localizacion deu vòste ben.
| Comuna(s) | Ligam d'accès au portau |
|---|---|
| Anglet | Portau de teledeclaracion la Vila d'Anglet |
| Baiona | Portau de teledeclaracion de la Vila de Baiona |
| Biàrritz, Bidart, Hendaia | Portau de teledeclaracion e-permis.fr |
| Ahetze, Aïcirits-Camou-Suhats, Ainharp, Ainhoa, Amendeuix-Oneix, Anhaux, Arbérats-Sillègue, Arbonne, Arbouet-Sussaute, Arcangues, Armendarits, Arraute-Charritte, Ascain, Ascarat, Ayherre, Bardòs, Bassussarry, Béguios, Béhasque-Lapiste, Veiria, Bidaishe, Bidarray, Biriatou, Bonloc, Lo Bocau, Briscous, Bunus, Kanbo, Came, Camou-Cihigue, Çaro, Chéraute, Ciboure, Domezain-Berraute, Espelette, Espès-Undurein, Etcharry, Gabat, Garris, Gotein-Libarrenx, Guéthary, Guishe, Halsou, Hasparren, Hélette, Hosta, Ibarolle, Idaux-Mendy, Iholdy, Ilharre, Irissarry, Irouleguy, Ispoure, Isturits, Itxassou, Jatxou, Jaxu, La Bastida-Clairence, Labets-Biscay, Lacarre, Lahonça, Larceveau-Arròs-Cibits, Larressore, Larribar-Sorhapuru, Lassa, Lecumberry, Licq-Atherey, Lohitzun-Oyhercq, Louhossoa, Macaye, Masparraute, Maulion-Licharre, Mendionde, Moguerre, Orègue, Osserain-Rivareyte, Ossès, Ostabat-Asme, Senta-Engrâce, Sent-Esteben, Sant Estève-de-Baïgorry, Sent Jan-de-Luz, Sent Jan-la-Vius, Saint-Just-Ibarre, Sent Martin-d'Arberoue, Sent Martin-d'Arrossa, Sent Miquèu, Saint-Palais, Sent-Pée sus Nivelle, Sent Pèir-d'Irube, Samas, Sare, Sauguis-Sant Estève, Souraïde, Tardets-Sorholus, Tres-Vilas, Uhart-Cize, Urcueit, Urrugne, Urt, Ustaritz, Vilafranca, Viodos-Abense-de-Bas | Portau de teledeclaracion depotpermis.fr |
En cas de questions o de dificultats tecnicas, n'esitatz pas a contactar la comuna deu lòc de las òbras.
Opcion 2 : que depausi la mea demanda au format papèr en comuna
Entaus autes comunas non mencionadas ací dessús, lo depaus deus dossièrs que's hè au près de la comuna sus la quau vatz realizar las òbras, obligatòriament en version papèr.
Estapa 3 : Que recebi ua responsa a la mea demanda
- Que recebi un corrièr electronic qui m'indica que la decision deu purmèr cònsol ei disponibla en linha si èi depausat la mea demanda en linha.
- Que recebi un corrièr (per via postau o sus la mea boita corric) si èi depausat la mea demanda au format papèr en comuna.
Qu'èi besonh d'ajuda
La comuna concernida peu lòc deu vòste projècte que demora lo vòste interlocutor . Que contacti la mea comuna .