A Ostavals, la taula paisana d'Anthony Orjollet qu'obrirà en junh

Dens la bruma de genèr, Ostavals, l'Ostau deu Paisatge d'Ostabat-Asme, qu'aficha la soa faciada modèrna . Au darrèr, las montanhas d'Oztibarre que confereishen ua serenitat au lòc, bordat peu camin de Sant Jaume de Compostèla (GR65). 

Observant lo site entà « mélher se projectar », lo cap Anthony Orjollet que sosquè a las perspectivas auhèrtas peu restaurant situat a l'embaish qui obrirà en junh dab la soa companha. Un site qui desira au son imatge, mes pas « com estant lo restaurant d'Anthony Orjollet a Ostabat ». Lo cap que gaudeish en efèit d'ua experiéncia internacionau, sustot en çò d'estelats. 

« A Ostavals, que desiri que lo restaurant sia reconegut com ua vertadèra taula paisana. Que'n vòli har un laboratòri d'idèas paisanas, un nis petit de cosina on las gents trobaràn ua carta de terrador accessible e de qualitat. » 

Un restaurant ancorat dens lo son territòri, entà las gents d'ací e obèrt aus autes. « los restaurants e los bars que son las glèisas d'uei en quauqua sòrta, deus lòcs on perduran, hèra urosament, de las relacions sociaus », qu'estima lo quarantenaire .  
Ací, lo restaurant qu'ei concebut a l'entorn deu tèma « paisatge a la sieta ». Que compta ua sala de 100m², includint un espaci cafè-restaurant e un taulèr-bar-restaurant podent arcuélher 60 cobèrts. La cosina qu'ei en sossòu e, mei tard, ua cosina exteriora que completarà l'auhèrta .

« Ua sortida de còsta »

A 40 ans, aqueth cap qu'a  hèit ua causida : quitar la còsta basca, on a tienut los restaurants Elements a Bidart e Epoq a Biàrritz, entà ganhar la campanha. « Vaquí un moment qui maduràvam lo noste « sortida de còsta ». Tres ans a, que ns'avèvam mancat installar a Larceveau, ce hida. Que volèvi tribalhar autament, de retrobar deu sens hant enlà au mei près deus produits. » La seishantena de productors dab los quaus tribalha que son  la màger part de l'interior : Jong Harlouchet a Bussunaritz, Virginie Oyhenard de Veiria, Édouard Exilard a Lohitzun… « Qu'apliqui lo principi deu circuit cort . Qu'èm nombrós caps de la mea generacion e de la qui segueish a soscar atau, a estar sensibilizats a l'ecologia. »  

Qu'ei convençut que doman, mei enqüèra de personas partatjant medishas valors a l'entorn de l'artisanau, d'ua vita mei sana, que federaràn la lor energia entà portar ua dinamica aus vilatges. 

« lo mei beròi terrador deu monde »

« Qu'èi tostemps credut en la fòrça de la « ultra-locau », ce reconeish. Dens los sheis país on lo restaurator d'origina lionesa a tribalhat - Anglatèrra, Espanha, Navèra Zelanda, Indonesia e Norvègia -, que s'ei tostemps « interessat a çò qui avèva a l'entorn, aquí, tot près ». Aquera passion entà « la simplicitat, la vertadèra natura deus produits », que la tien deu son pairbon, legumaire. « la riquessa d'un terrador qu'ei essenciau ». E entà eth, « País Basco qu'ei lo mei beròi terrador deu monde » : « N'i a pas aulhors ua tau diversitat dab ua sasonalitat tanben grana . La rèsta, qu'ei la faiçon de compausar la soa carta. Òm matur, que's crema, que's seca, que's fermenta . » 

Anthony Orjollet que promet ací d'acontentar lo ventalh deus desirs : « talo pres suu poç a la carta elaborada deu ser, en passant per un menut paisan plan competitiu lo mieidia, accessible a tots ».

A Ostavals, que contunharà a valorizar los produits gessits de las cordèras agricòlas de qualitat, e a descobrir deus productors independents deus entorns. Aqueras promessas culinàrias que rejunhen aqueths engatjaments de tostemps en favor d'ua cosina sana.   

E  ac sabetz ? L'Ostau deu Paisatge Ostavals bastida per la Comunautat País Basco que compren au solèr un centre d'evocacion deu paisatge, raperant los paisatges d'Oztibarre, las hemnas e los òmis qui ac faiçonan e l'istòria jacquaire, ac restaurant e un centre d'aubergament inclusiu. Obertura prevista corrent 2026.