Operacion Programada de Melhorament de l'Abitat e de Renovelament Urbain (OPAH-RU)

Qué ei çò qui ua OPAH-RU ?

Ua Operacion Programada de Melhorament de l'Abitat e de Renovelament Urbain, aperada egaument OPAH-RU, qu'ei ua accion desplegada entà 5 ans (2024-2028), mirant la reabilitacion de lotjaments privats situats dens un perimètre precís. L'OPAH-RU que permet d'obtiéner ajudas financèras publicas e que garanteish un acompanhament tecnic e administratiu gratuit a l'ensemble deus portaires de projèctes.

A qui s'adreça lo dispositiu ?

Aqueth dispositiu que s'adreça :

• aus proprietaris qui aucupan lo lor lotjament ;
• aus proprietaris de lotjaments locatius aucupats o vacants ;
• aus sindicats de copropriétés ;
• aus futurs aqueridors (cobles qui desiran aquerir un lotjament com residéncia principau e s'installar en centre-vila, e arrendadors qui desiran investir entà reméter suu mercat deus lotjaments locatius de qualitat).

Que concerneish los lotjaments privats bastits despuish mei de 15 ans, aucupats o vacants (ne son pas concernits per aqueths critèris los projèctes ligats a òbras d'adaptacion).

Quaus perimètres d'intervencion ?

Si resideishetz dens lo perimètre definit de las vilas de Hasparren, Hendaia, Maulion-Licharre, Sent Jan-Pè-de-Pòrt o Saint-Palais, alavetz ètz potenciaument eligibla ad aqueth programa.

Descobritz ací devath en imatges los perimètres deus sectors concernits.

(que clicatz suus imatges entà los agrandir)

Entà quau tipe d'òbras ?

Las òbras concernidas peu dispositiu OPAH-RU que son :

• La renovacion energetica deus lotjaments (isolacion de las parets per l'interior, isolacion deus plafons/arràs, remplaçament de las menuserias, sistèma de cauhatge-ventilacion,…) ;
• L'adaptacion deus lotjaments a la pèrta de mobilitat de las personas atjadas o handicapadas ;
• Las òbras de melhorament de lotjaments indignes o degradats aucupats o vacants ;
• Los ramplatges de faciadas ;
• La renovacion de las partidas comunas d'immòbles d'abitacion.

Lista non exaustiva. Ne concerneish pas las òbras d'embeliment

Quaus condicions a respectar ?

Los proprietaris desirant beneficiar deu dispositiu OPAH-RU que deven plear daubuas condicions :

• Lo lotjament qu'a mei de 15 ans e que's -situa dens lo perimètre de l'OPAH RU ;
• Lo proprietari aucupador qu'abita dens lo lotjament pendent 3 ans minimum après las òbras ;
• Lo proprietari arrendador que desira logar lo lotjament pendent 6 ans minimum ;
• Las òbras d'energia que compòrtan au mensh 2 gèstes d'isolacion e que permeten un saut de 2 classas energeticas ;
• Las òbras que deven estar realizats per professionaus deu bastiment (certificats RGE entà las òbras de renovacion energetica) ;
• Las òbras que deven respectar las règlas d'urbanisme (declaracion preliminara d'òbras o permís de bastir validats, avís de l'arquitècte deus bastiments de França).

Atencion : Las òbras ne deven pas començar abans l'obtencion de l'acòrd de subvencions.

Com estar acompanhat e efectuar la mea demanda d'ajuda ? 

Entà miar a plan aqueth programa, la Comunautat País Basco qu'a hidat l'animacion de l'OPAH-RU au gabinet URBANIS qui a entà mission d'acompanhar los proprietaris entà elaborar la lor demanda de subvencion, de las prumèras entresenhas sus las òbras eligiblas dinc au sòlde deus dossièrs de finançament. URBANIS qu'ei acceptat « Mon Acompanhaire Rénov' ».

Los proprietaris que pòden atau beneficiar gratuitament d'un supòrt administratiu e de conselhs tecnics personalizats. Aqueth acompanhament qu'ei entièrament pres en carga per la Comunautat País Basco e los sons partenaris.

Prende contacte dab Urbanis

Per telefòne : +335 59 27 00 27
Per corric : alexis.poulalionurbanisfr

Permanéncias sus rendètz-vos unicament

• Hasparren : Tots los 1^er dimars deu mes de 10h a 12h30 au centre Elgar ;
• Hendaia : Tots los 1^er dimars deu mes de 14h a 16h30 au Centre Comunau d'Accion Sociau ;
• Maulion-Licharre :Tots los 2^èmes dimars deu mes de 10h a 12h30 a la Maison comuna ;
• Saint-Palais : Tots los 2^èmes dimars deu mes de 14h a 16h30 a la Maison comuna ;
• Sent Jan Pè-de-Pòrt : Tots los 1^er dimars deu mes de 10h a 12h30 a la Maison comuna.