Demandar un remborsament entà hueita d'aiga (dispositiu dit Warsmann)

Estapa 1 : Que verifiqui si soi eligible a un remborsament

Entà estar eligible a un remborsament entà hueita, l'abonat au servici de l'aiga bevedera déver plear las condicions seguentas :

1. aver avut ua hueita sus ua canalizacion d'aiga bevedera dens las soas installacions privadas avent entrainat ua consomacion 2 còp superior a la soa consomacion mejana ;
2. aver reparat la dita hueita, suu pic o dens un delai de 1 mes a comptar informacion de suberconsomacion o au plus tard a recepcion de la factura deu periòde concernit ; 
3. dens aqueths medishs delais, aver hornit las pèças obligatòrias : demanda de descarc, atestacion e/o factura(s) de reparacion indicant la localizacion e la data de reparacion de la hueita.

Entà conéisher lo dispositiu complet, que pòdi consultar la deliberacion relativa a las règlas e principis de descarc sus facturas d'aiga entà hueita.

Estapa 2 : Qu'adreci la mea demanda de descarc

Qu'adreci la mea demanda escriuta au hornidor de l'aiga sus la mea comuna, acompanhada de las pèças justificativas corresponentas.

Estapa 3 : Que recebi ua responsa a la mea demanda

Après estudi de la vòsta demanda, e si pleatz las condicions necessàrias a un remborsament, ua reduccion deu montant qu'ei aplicada sus la factura corresponenta, en foncion de la vòsta consomacion mejana.

Lo volume facturat ne poirà pas estar superior au doble de la vòsta consomacion mejana entà l'aiga bevedera e a la vòsta consomacion mejana entà l'assaniment collectiu.

Exemple : la mea consomacion mejana qu'ei de 100 m³ entau periòde concernit . La mea consomacion relhevada qu'ei de 300 m³ . Lo volume facturat après descarc que serà de :

• 200 m³ entà l'aiga bevedera ;
• 100 m³ entà l'assaniment collectiu.