L'arcuelh de las gents deu viatge a País Basco

Qui son las gents deu viatge ?

Apparu dens las annadas 1970  e sustot seguida a la lei deu 3 de genèr de 1969 (relativa a l'exercici de las activitats ambulantas e au regime aplicader a las personas circulant en França shens domicili ni residéncia fixa), lo vocable « Gents deu Viatge » qu'ei ua denominacion administrativa designant ua populacion residint en acès mobile terrèstre. En acòrd dab los principis constitucionaus de la V^ème Republica, aquera nocion ne presenta pas nada connotacion etnica o communautariste dens la lei francesa (hont : FNASAT). 

Açò estant, aqueth tèrme juridic qu'ei regularament utilizat entà designar populacions divèrsas  hant meilèu referéncia a originas etnicas o de las tradicions culturaus (« tsiganas », « manoishas », « gitans », « yéniches » o « ròms »). Lo lor punt comun que resideish dens dus aspèctes : l'abitat permanent en caravana e la vita en familha alargada.

Au delà de la portada culturau o etnica deu vocable « gents deu viatge », que demora la definicion administrativa . En efèit, la lei deu 5 de julhet de 2000 relativa a l'arcuelh e l'abitat de las gents deu viatge qu'evòca « las personas ditas gents deu viatge e dont l'abitat tradicionau ei constituït de residéncias mobilas. » 

Aquera nocion d'abitat tradicionau que mia de hèit a escartar autes publics residint uei en caravana, campatge-car o camion amainatjat com per exemple los sasonèrs.

Los sites d'arcuelh de las gents deu viatge a País Basco

Dens l'encastre de la soa competéncia amainatjament, entertien e gestion de las airas d'arcuelh de las gents deu viatge, la Comunautat País Basco que mia accions en favor de l'arcuelh e de l'abitat d'aqueth public, en aplicacion de la lei n° 2000-614 deu 5 de julhet de 2000, dita Loi Besson.

Ad aqueth efèit, que s'apièja sus las prescripcions de l'esquèma departamentau d'arcuelh e d'abitat de las gents deu viatge de Pirenèus Atlantics 2020-2026, signat lo 17 de heurèr de 2020. Aqueth esquèma, establit conjuntament per l'Estat e lo Conselh departamentau, qu'a per mira de definir los territòris suus quaus deven estar implantats los equipaments publics destinats a arcuélher las gents deu viatge e realizar un vertadèr malhatge de las airas d'arcuelh, deus terrens familiaus locatius, airas de gran passatge au nivèu departamentau.

Duas airas permanentas d'arcuelh

Que s'agí d'un site amainatjat entà arcuélher cobles itinerants sus sejorns de quauques mes. 

• Qu'existeish un aira permanenta d'arcuelh suu site de Landa Ttipia (Baiona-Anglet) dispausant de 38 emplaçaments. La gestion de l'aira de Landa Tipia qu'ei estada hidada a ua societat privada .
  Important : las familhas que deven préner contacte dab lo gestionari de l'aira (telefòne : 06 27 58 80 68) abans de s'installar entà efectuar las diferentas desmarchas. La vita sus l'aira qu'ei regida per un reglament interior .
• La dusau qu'ei localizada sus la comuna d'Itxassou e dispausa de 3 emplaçaments.

De las airas de gran passatge 

Que s'ageish de sites, arcuelhent entà ua durada de 1 a 2 setmanas maximum, de las gents deu viatge qui's desplaçan collectivament a l'escadença de las granas amassadas tradicionaus o ocasionaus.

Qu'existeish actuaument : 

• l'aira de gran passatge de Baiona, amainatjada en 2025, obèrta deu 1^er mai au 31 d'octobre. Equipada en aiga, en electricitat e en sanitàrias, qu'arcuelh sus 4 ectaras deus grops podent anar dinc a 200 caravanas ;
• l'aira de gran passatge de Sent-Pée-sus-Nivelle, amainatjada en 2024, obèrta deu 1^er mai au 31 d'aost. Equipada en aiga e en electricitat, qu'arcuelh sus 2 ectaras deus grops podent anar dinc a 85 caravanas ;
• l'aira de gran passatge Sent Joan de Lutz, amainatjada en 2002 e equipada en fluides, obèrta deu 1^er heurèr au 30 de noveme. Pr'amor de la soa febla capacitat (0,5 ectara), que s'adreça mei a grops familiaus .

Ua aira gran passatge qu'ei a har un tribalh d'estudi sus la comuna de Baiona e mantun projècte que deu enqüèra èste miats suus territòris de Niva Ador, Errobi e Hasparren.

Aquera auhèrta qu'ei completada en sason estivau per la mobilizacion temporària de terrens publics o privats, metut a disposicion de la Comunautat País Basco per convencion (Arcangues - 5 ectaras, Biàrritz - 1 ectara, Hasparren - 4 ectaras). Aqueths terrens que son equipats en aiga, en electricitat e de las benas que son installadas entà reculhir las bordilhas domesticas.

Deus terrens familiaus a destinacion deus cobles sedentaris

Los terrens familiaus locatius e l'abitat adaptat que son terrens bastits que destinás qu'à l'arcuelh d'ua familha, sovent alargada. Que's compausan d'un abitat mobile - ua o mantua plaça de caravanas - e d'ua construccion d'apunt. Que's pòt agir de terrens equipats e gerits per ua persona publica o d'abitats locatius sociaus, bastits e gerits per arrendadors sociaus. Aqueth tipe d'abitat qu'existeish dejà sus Baiona, Anglet, Biàrritz e mantun projècte qu'ei a l'estudi .

Har ua demanda d'arcuelh

La Comunautat d'Aglomeracion País Basco que met a disposicion de las gents deu viatge 500 plaças en airas d'arcuelh e en terrens de passatge. Totun, la manca de plaças qu'ei ua realitat . Los viatjaires confrontats ad aqueras dificultats que son convidats a har pròva de responsabilitat ;

Las installacions sauvatjas que son defendudas tant suu maine public qui sus terrens privats deus autes. Aqueras installacions que son damnatjosas per las degradacions e/o la violéncia qui'us acompanhan ;

L'accès a las diferentas airas de gran passatge que s'efectua sus reservacion au près deus agents de la Comunautat . Aquestes qu'enregistran las demandas per ordi d'arribada e que s'asseguran de la conformitat enter la talha deu grop e la capacitat de las airas a disposicion. La demanda qu'ei a efectuar au minímum un mes abans la data d'arribada desirada. Cada demanda que recep sistematicament ua responsa .

L'arcuelh sus las airas de gran passatge qu'ei pagant (30 a 35 € per caravana e per setmana, segon los sites) e somés au respècte d'un reglament interior pròpi a cada aira e presentat pendent l'arribada.

Har ua demanda d'estacionament entà ua aira de gran passatge