País Basco : l'ecologia positiva en accions
En resson a setmana KLIMA, aquera navèra websérie en cinc episòdis que conta un País Basco qui's questiona, qu'imagina, qu'innòva e qu'experimenta de las solucions navèras entà protegir la planeta e lo vivent. Dens la societat civila, a l'escòla, dens l'industria, la recèrca o lo monde agricòla, pertot de las iniciativas mei ecologicas que vienen a la lutz . projèctes animats per ua medisha enveja gaujosa de cambiament qui'ns rapèran qu'entà bastir un aviéner duradís, qu'ac cau tanben har desirable.
Actualizat lo : 15 October 2025
Episòdi 1 : « Que credi a la fòrça deus imaginaris ecologics entà entrainar lo movement »
Entà la cercaira e doctora en literaturas e arts ecologicas Solène Reymond, l'engatjament ecologic que nèish purmèr d'ua henalha . Un tust, un esmai, ua partvirada interiora qui transforma la nosta percepcion deu monde e nse brot a l'accion. En corrent la campanha basca, que collècta aqueras istòrias intimas entà ne har racontes sensibles e universaus. Que'ns partatja lo son tribalh .
Episòdi 2 : La Comunautat Open Lana qu'obreish imaginaris ecologics dab l'ajuda de l'intelligéncia artificiau
Dens los sons talhèrs « Qu'imagina lo futur en 2050 », l'associacion Comunautat Open Lana que prepausa au public de soscar au vàder de la lor vila e que transforma las lors idèas en imatge gràcias a l'intelligéncia artificiau . Un bon mejan d'encoratjar puish lo passatge a l'accion.
Episòdi 3 : A Hendaia, l'escòla-collègi Sent Vincenç que's sèrv de l'ecologia entà melhorar la soa pedagogia
Lo grop escolar Sent Vincenç a Hendaia que plaça l'ecologia e la solidaritat au còr deus sons aprendissatges. Un projècte qui cèssa pas de créisher gràcias a l'engatjament deus professors, parents e de nombrós partenaris suu territòri. Descobèrta d'aqueth establiment avantguardista, dab lo director deu collègi Philippe Bancon.
Episòdi 4 : Dab Color Cambe, la jòga d'ua harda d'ostau ecologic
A Sent Joan de Lutz, l'enterpresa Color Cambe qu'incarna ua conviccion hòrta : provar que's pòt crear harda d'ostau au còp beròi, san e respectuós de la planeta. Au son cap, Thierry Bonhomme, enterprenedor passionat, qu'a hèit cambe ua matèria d'aviéner.
Episòdi 5 : Quan la recèrca agronomica ajuda los paisans a s'adaptar aus desreglaments deu climat
Au maine Xubialdea de Lassa, gràcias a vitatges resistents testats grandor natura, Battitt e Stéphanie Ybargaray qu'an agit entà lutar contra lo mildió e contunhar a víver de la lor passion.