País Basco : ua tèrra a mantua lenga
Dens aquera seria en 6 episòdis, que mostram un País Basco engatjat qui, segon l'exemple d'autes territòris, que defen per las soas lengas ua certana vision deu monde . Que parlam tanben de sciéncias entà expausar los ben·hèits de l'aprendissatge de las lengas autanlèu l'enfança e que partatjam experiéncias originaus dab familhas, deus cercaires e de las comunas qui hèn víver lo plurilingüisme au quotidian.
Actualizat lo : 9 May 2025
Episòdi 1 : Ua aviada collectiva entà har víver la lenga basca
Gràcias a l'accion conjugada d'actors istorics e deus poders publics, la lenga basca que coneish ua renavida en País Basco nòrd . Après mantua annada de reculada, lo nombre de bascofònes que progrèssa despuish 2021 dens quasi totas las classas d'atge e sustot en çò deus joens qui son tostemps mei nombrós de l'apréner a l'escòla.
Episòdi 2 : Si inspirar autes modèles de plurilingüisme dens lo monde
Com protegir las nostas lengas regionaus e los tornar ua utilitat practica dens las nostas vitas vitantas ? Que's cau inspirar de çò qui fonciona aulhors dens lo monde, que'ns ditz lo jornalista e especialista de la question, Michel Feltin-Palas. De País de Galas, a Canadà en passant per Africa deu Sud, l'autor que'ns convida a un torn d'orizont de las solucions .
Episòdi 3 : Ua colonia de vacanças entà tornar frequentar lo basco en familha
45 familhas qu'an participat aquera annada a la prumèra edicion de Familion’ Egonaldia. Un sejorn lingüistic d'un genre navèth entà réapprendre a parlar basco dab los sons mainatges en profieitant de las vacanças. A travèrs aquera experiéncia originau, lo collectiu Plazara que vòu tanben recrear ligam enter los abitants e lo lor territòri. Qu'èm anats interrogar los participants sus plaça.
Episòdi 4 - Los ben·hèits deu bilingüisme autanlèu lo mei joen atge
Entervista - La psicolingüista Ranka Bijeljac-Babic que tribalha a har conéisher los beneficis deu bilingüisme e valorizar la riquessa d'ua dobla cultura autanlèu lo mei joen atge. Qu'ei membre de l'INCC (Centre de neurosciéncias intégratives e cognitivas), deu CNRS e de l'Universitat París Citat, presidenta de l'associacion Bilingüas e mei e autora de mantun obratge de referéncias.
Episòdi 5 - Lo basco au còr de la recèrca en lingüistica
En deceme, ua cadièra de lingüistica experimentau en euskara qu'ei estada lançada dens lo centre de recèrcas IKER a Baiona. La cercaira Arrate Isasi-Isasmendi qu'i analisarà la faiçon dont los mainatges aquereishen ua o mantua lenga en foncion deu lor environament, dab procediments innovants taus com l'électroencéphalographie. Encontre.
Episòdi 6 : Quan las comunas recrean ligam gràcias a las lengas
Com Pantxika Alvarez, que son nombrós dens las municipalitats de País Basco a obrar au desvolopament de l'euskara. Ua mission qui aquera tecniciana passionada, qui a aprés la lenga suu tard, conduit dab metòde. Que'ns conta lo son quotidian e los projèctes qui a podut har avançar gràcias a un hialat d'actors plan implicat suu terren.