Euskal Elkargoak mendialdearen garapen iraunkorraren alde egiten du lan; egiazko loturagunea da Pirinioen eta itsasoaren artean, Ipar Euskal Herriaren eta Nafarroaren edo Gipuzkoaren artean. Hautetsiak, biztanleak, abeltzainak, artzainak, ibiltariak, turismoko profesionalak, … Elkargoak euskal mendialdeko eragile guztiak lagundu nahi ditu, han bizi edo hartarik bizi direlarik, elkarrekin egin dezagun ororentzako etorkizuna, non bakoitzak bere lekua atzemanen baitu.