Elikadura iraunkorra

Orrialde honetan

Euskal Elkargoak erabaki du elikadura osasuntsua, tokikoa, kalitatezkoa, ororentzakoa izan dadila egiazko politika publikoa, kontsumitzaileen jokamolde berriekin eta dituzten asmoekin koherentzian izateko, kontsumitzaileek gero eta gehiago hautatzen baitituzte tokiko produktuak, ingurumenaren errespetuan eta ekoizleen beharrei erantzunez.   

Euskal Hirigune Elkargoaren Lurraldeko Elikadura Proiektua

Euskal Elkargoak bere Lurraldeko Elikadura Proiektua prestatzea erabaki du (LEP-PAT). Proiektu hori Laborantza, Elikadura eta Oihanerako Etorkizunaren Legeak, 2014ko urriaren 13ak  sartu du. Proiektuak elkarrengana hurbildu nahi ditu ekoizleak, eraldatzaileak, banatzaileak, lurralde kolektibitateak eta kontsumitzaileak. Laborantza lurraldeekin eta elikagaien kalitatearekin lotzeko helburua du ere proiektuak. Lurraldeko laborantza eta elikaduraren egoeraren diagnostiko partekatutik abiatuz, jokagaiak zehaztuko dira eta Euskal Elkargoak 3 urterako ekintza programa bat asmatuko du lehenik eta gero hedatuko.

Talde sukaldaritza, lehen bidea

Euskal Elkargoa herriekin engaiatu da haiek dituzten talde sukaldaritzako proiektuetan laguntzera. Horrenbestean, galdeketa bat egin du haiek alor horretan dituzten jokamoldeak, beharrak eta zailtasunak hobeki ezagutzeko. Hala baserrialdeetako herrietan nola hirietan, hala talde sukaldaritza zuzenik kudeatua izan nola ordezkaturiko kudeaketakoa izan, herri guztiek partekatzen dute tokiko produktu biologikoez hornitzeko lan egiteko asmoa, kontuan hartuz ere elikagaien xahutzeari loturiko gaiak, langileen formakuntzari buruzkoak, merkatu publikoen prestatzeari loturikoak, bai eta haurrak horren alde ohartarazteari buruzkoak ere. Borondatezko zenbait herriek osatu lantalde bat eman da plantan eta talde sukaldaritzarako erosketa publikoetarako eta elikadura iraunkorrerako formatze-sentsibilizatze ekintzak proposatuko dira.

Orrialde honek zure beharrei erantzun ote du ?

Actualités Artikuluak Actualitats